Shop.com.mm

အဆိုတော် စိုင်းထီးဆိုင်ရဲ့ သမီးပေမယ့် ကိုယ်ကိုကိုယ်ပဲ အားကိုးချင်တဲ့ ဆိုင်စံ

.

ဓာတ်ပုံ-ထူး
 

စိုင်းထီးဆိုင်ရဲ့ ပရိသတ်တွေက အများသားမို့ သူ့သီချင်းတွေနဲ့ အများစုက မစိမ်းလှပါဘူး။ စိုင်းထီးဆိုင် ကွယ်လွန်သွားပြီးနောက် သူ့ရဲ့ အနုပညာအမွေကို သမီးဖြစ်သူ ဆိုင်စံက ဆက်လက် လုပ်ဆောင်ခဲ့ပါတယ်။  အဖေဖြစ်သူရဲ့ အရိပ်ထက် ကိုယ့်ကိုယ်ကိုသာ အားကိုးချင်သူလည်း ဖြစ်ပါတယ်။

မေး ... မင်္ဂလာပါ။ ညီမလေး အနေနဲ့  အသက်၉နှစ်အရွယ်မှာ ဖခင်ဦးစိုင်းထီးဆိုင်နဲ့  “ မနက်ဖြန်ဆက်ရန်” ဆိုတဲ့  အခွေထဲမှာ အင်္ဂလိပ် သီချင်းလေးတစ်ပုဒ်ဆိုထားတာ သိရပါတယ်။ အဲဒီသီချင်းလေးဆိုဖြစ်ပုံလေး ပြောပြပါလား ။

ဖြေ ... အစ်ကိုက ငယ်ငယ်လေးထဲက ကီးဘုတ် တီးတယ်။ ဖေကြီးက သင်တန်းထားပေးတော့ ညီမကလည်း ဆိုချင်တယ် ။ အမေက အဲဒီခွေလေးထဲမှာ ဆိုစေချင်တယ် ကိုကြီးကိုလည်း သူနိုင်သလောက်လေး တီးခိုင်းဖို့ ဖေကြီးကိုပြောတယ် ။ အဲဒီ အင်္ဂလိပ်သီချင်းလေးကလည်း  နှလုံးသားအဟာရလို သီချင်းမျိုးလေးပေါ့။ ရှာပြီးတော့ ဆိုဖြစ်တာပါ ။

မေး ... ဒီငယ်ငယ်လေးထဲက ကိုကိုယ့်ကို ဂီတ ပိုးဝင်သွားတယ်လို့ ထင်လဲ။

ဖြေ ... ၅ နှစ်သမီးလောက်ထဲက အန်တီကော်နီ သီချင်းတွေဆိုတာ။ အ့ ဒီအရွယ်ကတည်းက  စကား ပီကလာ မပီကလာနဲ့ ပေါ့။

မေး ... နောက်တစ်ခုသိချင်တာက ကိုယ်ကိုတိုင်က ဂီတကိုဝါသနာပါတာလား။  ဒါမှမဟုတ် ကိုယ့်အဖေက နိုင်ငံကျော်တစ်ယောက်ဖြစ်နေလို့  ၀ါသနာပါသွားတာလား။

ဖြေ ... ကိုယ့်အဖေက ဘယ်လောက် နာမည်ကြီးလို့  ကြီးမှန်းမသိဘူး။ ငယ်ငယ်လေးတုန်းက ဆိုရင်လေ အဲအရွယ်ထဲက ၀ါသနာပါလာတာ သွေးပေါ့နော် ။ မောင်နှမ ၃ ယောက်စလုံး ၀ါသနာပါတာ ။

မေး ... ညီမလေးက ဂီတကို ၀ါသနာပါမှန်း ဖေဖေ ဦးစိုင်းထီးဆိုင်က သိသွားတော့ နောက်ကနေ အားပေးမှုတွေ ထောက်ပံ့ပေးမှုတွေ ဘယ်လောက်ရှိလဲ ။

ဖြေ ... ဖေကြီးကတော့လေ သီချင်းများများ နားထောင်ဖို့ နောက်ပြီးတော့ သူကတော့ ကတိုက်ကရိုက်က ပိုများတယ်။ သူကိုယ်တိုင်လည်း မအားတဲ့သူဆိုတော့ နက်ဖြန်ဆိုရမှာကို ဒီနေ့ညမှ ပေးတာတို့  ။ တခြားကတော့ ဘာမှကိုမပြောတာ ဘာမှလည်း သင်မပေးဘူး ။

မေး ... ဖေဖေ့နဲ့ အမှတ်တရတွေ အများကြီးရှိခဲ့ မယ်ထင်ပါတယ် အဲ့ ဒီထဲက တစ်ခုကိုပြောပါဆိုရင်ရော ။

ဖြေ ... သူနဲ့ ကတော့ အမှတ်တရတွေကတော့ တကယ်ကိုများတာပါ ။ အဲထဲက သူ့ရဲ့စိတ်ဓာတ်တစ်ခုကို မြင်ရမယ့် အကြောင်းအရာတစ်ခု ဆိုရင် တစ်နေ့ သမီးဘယ်သွားချင်လဲ မေးတယ်။ ကန်တော်ကြီး သွားချင်တယ် ပြောတော့ လိုက်ပို့ ပေးတယ် ။ အဲ့ဒီကနေ ပြန်လာတဲ့ အချိန်မှာလင်မယားနှစ်ယောက်က အရှေ့ကနေ ဖြတ်သွားတော့ ယောင်္ကျားလုပ်တဲ့ သူက မြင်သွားတယ် ။ ( ဟာ ကိုထီး)  ဆိုပြီး သူက ခေါ်လိုက်တယ်။  အဲမှာ ဖေကြီးက ဦးထုပ်ကို ထပ်နှိမ့်ပြီး ဆောင်းလိုက်တယ် ။ ဖေကြီးနဲ့ ညီမနဲ့  အမြဲတမ်း ပြသနာတက်တယ်။ ဘာလို့ ဆို သူငယ်ချင်းတွေလို ပေါင်းတော့လေ ။ သူအဲလိုမျိုး မျက်နှာတွေ ဘာတွေ ပျက်သွားရင် ကိုယ်က တကယ်မခံစားနိုင်ဘူး။ ချစ်တာကိုး။  ငါ့ကြောင့် သူစိတ်ဆင်းရဲသွားရပြီလားပေါ့ ။ ဒါပေမယ့်လည်း  အဲဒါကို တောင်းပန်တဲ့ ဖက်ကနေ မဖော်ပြဘူး။ ရန်လုပ်လိုက်တာများတယ် ။ ဖေကြီးကလည်း ကိုယ့်ဟာကို နာမည်ကြီးအောင်လုပ်ပြီးတော့ ခုတော့ လူမြင်မခံချင်ဘူးပြောတော့။ အမှန်ကိုယ့်အပြစ်ကို သူကို ကြိုအပြစ်တင်ပြောလိုက်တာ ။အဲ့ ချိန်သူပြောတာ ဖေကြီးက နာမည်ကြီးချင်လို့  အဆိုတော် လုပ်တာ မဟုတ်ဘူးတဲ့။ ဖေကြီးက ဆင်းရဲတယ် ၊ ရုပ်ဆိုးတယ် ။ လူတွေက  အရမ်းနှိမ်တယ် အထင်သေးကြတယ်။ ဒီကောင် ဘာအရည်အချင်း တစ်ခုမှမရှိတဲ့ အကောင်လို့  ထင်ကြလို့ ။ ဖေကြီးမှာ အရည်အချင်းတစ်ခု ရှိတယ်ဆိုတာ ပြချင်လို့ ။ ဖေကြီးတတ်တဲ့ ပညာတစ်ခုကိုပြချင်လို့ ။ ဒီသီချင်းဆိုတဲ့  အဆိုတော်အလုပ်ကို လုပ်ပြတာ  နာမည်ကြီးချင်လို့ မဟုတ်ဘူး ။ အဲစကားကိုပြောတာ တကယ်အမှန်ရှိရမယ့် စိတ်ဓာတ်ပေါ့ နော်။ အဲ့ ဒါကြောင့် သူ့ ကို အရမ်းအားကျရတယ်လေးစားရတယ် ။ သူ့ ရဲ့ အတွေးအခေါ်တွေ သူ့ ရဲ့ စိတ်ဓါတ်တွေနဲ့ ကိုယ်ကိုတိုင်လည်း ရပ်တည်နိုင်အောင် ကြိုးစားတယ်။

မေး ... နောက်တစ်ခုက ဦးစိုင်းထီးဆိုင် မရှိတော့တဲ့ နောက်ညီမ ဒီဂီတလောကထဲကို ဘယ်လိုဝင်လဲပေါ့။ အရင်ထဲက သီချင်းတွေဆိုလာတာတော့ မှန်တယ် ။ အဖေမရှိတော့တဲ့ နောက်ပေါ့ ။ အဆက်အသွယ် မပြတ်သွားအောင် ဘယ်လိုနေလဲပေါ့ ။

ဖြေ ... တကယ်တမ်းက အဆက်အသွယ်ပြတ်သွားတာပါ။ ဖေကြီးဆုံးသွားပြီးတဲ့ ချိန်မှာ   The Aces က အန်တီငြိမ်းငြိမ်းအိ တို့ ကခေါ်ပေးတယ် ။ အမေကလည်း ဖေကြီးမရှိတဲ့  နောက် သမီးလေးကို ဆိုစေချင်တယ်။ အဲဒီကနေ ပြန်ဆိုဖြစ်တာ ။

မေး ... ခုလို ကြိုးစားလာခဲ့ ရပြီးတော့ ဆိုင်စံ ဆိုတဲ့ နာမည်တစ်ခုရလာဖို့  ဦးစိုင်းထီးဆိုင် ရဲ့ အရှိန်အ၀ါ ဘယ်လောက်ပါခဲ့လဲ ။

ဖြေ ... ပါ..ပါတယ် ။ ဒီလောကထဲကိုရောက်လာချိန်ကတည်းက အနုပညာအသိုင်းဝိုင်းတစ်ခုလုံးက ချစ်ကြတယ် ။ ဖေကြီးကလည်း လူချစ်လူခင်ပေါတဲ့  အတွက် ။ သူကိုယ်တိုင်က တလောကလုံးနဲ့ ချစ်အောင် ခင်အောင်ပေါင်းထားတဲ့  အတွက် ကိုယ့်ကိုလည်း သူ့ လိုပဲချစ်ကြပါတယ် ။

မေး ...  ခုချိန်မှာ သူ့ သီချင်းတွေပြန်ဆိုဖြစ်တဲ့ ခါကျတော့ရော စိတ်ခံစားချက်က ဘယ်လိုဖြစ်လဲ ..။

ဖြေ ... အရမ်းကြိုက်တဲ့  သီချင်းတွေဖြစ်နေတော့ ဆိုချင်နေတာ တကယ်ဆိုဖြစ်တဲ့ အခါကျတော့ စိတ်ဖိစီးမှုအရမ်းများတယ် ။ ဖေကြီးကို မမှီတာရော၊  ဘယ်လိုမှလဲမှီမှာမဟုတ်ဘူးလေ။  ခုချိန်ထိ ပြန်နားထောင်မိရင်တောင် ကောင်းလိုက်တာ၊ ငါနဲ့ များကွာလိုက်တာပေါ့ ။ အဲ့ လိုမျိုး ခံစားမှုက အမြဲရှိနေတာလေ။

မေး ... အဆုံးအဖြတ်အခွေလေး ထွက်လာတော့ရော ပရိသတ်တွေရဲ့ အားပေးမှုက ဘယ်လောက်ရှိလဲ ..။

ဖြေ ... အဆုံးအဖြတ်အခွေက ညီမ ဘ၀မှာ လုပ်ခဲ့ သမျှတွေထဲမှာ အအောင်မြင်ဆုံးပြောလို့ ရပါတယ်။ DVD လည်း သိသလောက်ဆိုရင် ၃ လေးထောင်လောက်တော့သွားတယ် ။ ဘာပဲပြောပြော အခွေရောင်းအားကောင်းတယ်။ ခုအခွေမှာတောင် အဲ့ လို ဖြစ်ချင်မှ ဖြစ်ပါ့ မလားလို့  စိတ်ပူနေရတယ် ။

မေး ... ဟုတ်ကဲ့  လာမယ့်လမှာထွက်မယ့် ဆုတောင်းတေးဆိုတဲ့  အခွေလေးအကြောင်းပြောပြပါလား ။

ဖြေ ... “ဆုတောင်းတေး” ဆိုတဲ့ အခွေက သီချင်းအသစ်တွေပေါ့နော် ။ အဖေ့သီချင်းတွေ မဟုတ်တော့ဘဲနဲ့ စီစဉ်ထားတာ ။ ဘာလို့ လဲဆိုတော့တခါတလေကျရင် လူတွေက ထင်တယ်။ အဖေ့သီချင်းမှ မဟုတ်ရင် ကျန်တာဘာမှ မဆိုတတ်တော့ဘူးလား ။ ကိုယ့်ကိုထင်ကြလွန်းလို့လေ ။ ကိုယ်ပိုင်ဖန်တီးမှုလေး ဖြစ်အောင် အဲ့  ခွေလေးထဲမှာ ကိုပူစူးရယ် ၊ ကိုလင်းနစ်ရယ် ကိုချစ်မင်းရယ်  ကိုဒွဲလာ ကိုအေရွန် သူတို့ သီချင်းတွေနဲ့  ညီမကိုယ်တိုင်ရေးတာလည်း ပါတယ် ။ အရမ်း ရင်းနှီးတဲ့ သူတွေဆိုတော့  ကိုယ်ကြိုက်တဲ့  သီချင်းလေးတွေ ယူပြီးတော့ စီစဉ်ထားတာပါ ။

မေး ... ဆိုင်စံ ကိုပဲ သီးသန့် အားပေးတဲ့  ပရိသတ်ကိုရော ဘာပြောချင်လဲ ..။

ဖြေ ...  စိုင်းထီးဆိုင် သမီးမဟုတ်ပဲ ကိုယ်ကိုတိုင်ကို အားပေးတဲ့  အတွက်ကျေးဇူးတင်ပါတယ် နောက်ထပ် လည်း ကိုယ့်တစ်ယောက်တည်းကိုသပ်သပ် ချစ်စရာခင်စရာလေးတွေရှိနေအောင်လို့  သီချင်းလေးတွေ  ဆက်ပြီးတော့  ဖန်တီးထားပါဦးမယ်လို့ ။