အရှုပ်တော်ပုံများ ရှိလင့်ကစား ပြည်သူ ဆယ်ဦးလျှင် ရှစ်ဦးက သမ္မတဒူတာတေးအား ထောက်ခံ

အရှုပ်တော်ပုံများ ရှိလင့်ကစား ပြည်သူ ဆယ်ဦးလျှင် ရှစ်ဦးက သမ္မတဒူတာတေးအား ထောက်ခံ

မနီလာ၊ အောက်တိုဘာ ၁၃ ။            ။ ဖိလစ်ပိုင်သမ္မတ ဒူတာတေးသည် ၎င်း၏အငြင်းပွားဖွယ် မူးယစ်ဆေးဝါးနှိမ်နင်းရေးစစ်ပွဲနှင့် ပိုင်ဆိုင်ကြွယ်ဝမှု မကြေညာခြင်းတို့ကြောင့် စွပ်စွဲမှုများ ရှိနေသော်လည်း ၎င်းကို ပြည်သူဆယ်ဦးလျှင် ရှစ်ဦးနှုန်းက ထောက်ခံနေသည်ဟု အောက်တိုဘာ ၁၃ ရက်က ထုတ်ပြန်သည့် စစ်တမ်းတစ်ရပ်အရ သိရသည်။

Pulse Asia က ကောက်ယူသောစစ်တမ်းအရ ရိုဒရီဂိုဒူတာတေး၏ ပေါ်လစီကို ထောက်ခံသူ ၈၀ ရာခိုင်နှုန်းရှိပြီး ခုနစ်ရာခိုင်နှုန်းသာ လက်မခံကြဘဲ မဆုံးဖြတ်တတ်ဆိုသည့် ရာခိုင်နှုန်းက ၁၃ ရာခိုင်နှုန်းရှိကြောင်း သိရသည်။

ယခုစစ်တမ်းမှရလဒ်သည် ယခင်ကောက်ယူထားသော Social Weather Station ၏ ကောက်ယူချက်နှင့် ဆန့်ကျင်ဖက် ဖြစ်နေသည်။ Social Weather Station ၏ စစ်တမ်းတွင် ဒူတာတေးကို ထောက်ခံသူက ၆၇ ရာခိုင်နှုန်းရှိပြီး ဇွန်လအတွင်းက ကောက်ယူခဲ့သည့် စစ်တမ်းအရ ထောက်ခံသူ ၇၈ ရာခိုင်နှုန်း ရှိခြင်းမှ ၁၁ မှတ်အထိ ကျဆင်းခြင်းဖြစ်သည်ဟု ဖော်ပြထားသည်။

ဇွန်လစစ်တမ်းကထက် နှစ်ရာခိုင်နှုန်း ထောက်ခံသူ ကျဆင်းသော်လည်း စစ်တမ်းသစ်အရ ဒူတာတေးအပေါ် လူကြိုက်များမှုနှုန်းသည် ၎င်းနှင့် ပတ်သက်သည့် အရှုပ်တော်ပုံများနှင့် ၎င်း၏ မူးယစ်စစ်ပွဲအပေါ် နိုင်ငံအတွင်း ကန့်ကွက်ဆန့်ကျင်မှုများ ကြီးထွားလာလင့်ကစား ကြီးကြီးမားမားသက်ရောက်မှု မရှိသည်ကို ပြသနေသည်။

မရှင်းလင်းသည့် ဖြစ်စဉ်များအောက် လူငယ်သုံးဦး သေဆုံးခဲ့မှုသည် ပြည်သူထောင်ပေါင်းများစွာအား မနီလာမြို့ လမ်းများပေါ် ဒူတာတေးကို ဆန့်ကျင်သော ဆန္ဒပြမှုများ စက်တင်ဘာလအတွင်းက ဖြစ်ပွားထားခဲ့သည်။

တရားမဲ့သတ်ဖြတ်ခြင်းများအပါအဝင် လူ့အခွင့်အရေး ချိုးဖောက်သည်ဟု စွပ်စွဲခံရသော ဒူတာတေး၏ မူးယစ်စစ်ပွဲများကို ပြီးခဲ့သည့်နှစ် ဇွန်လမှစတင် ဆင်နွှဲလာခဲ့ရာတွင် ရဲစစ်ဆင်မှုအတွင်း သေဆုံးသူပေါင်း ၃၉၀၀ ကျော်ထက်မနည်း ရှိနေသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly