ထို့နောက်များမကြာမီတွင် သူမ၏ဆန္ဒများ ပြည့်ဝလာခဲ့ပြီဖြစ်သည်။ အဆိုတော် IU သည် Everyday With You ဟူသော သီချင်းကိုသီဆိုပြီး မင်္ဂလာဆောင်ခန်းမအတွင်းသို့ ဝင်ရောက်လာကာ သတို့သား၊သတို့သမီးနှင့် ဧည့်ပရိသတ်အပေါင်းကို အံ့အားသင့်ဝမ်းသာအောင် ဖန်တီးပေးခဲ့သည်။

IU ၏ ချိုသာသောအသံသည် ပရိသတ်အပေါင်း၏ စိတ်နှလုံးကို ညှို့ယူနိုင်ခဲ့သလို သတို့သမီးစုံတွဲ၏ မျက်နှာ များ၌လည်း ပျော်ရွှင်ကျေနပ်မှုများ ပြည့်နှက်သွားအောင် ခြယ်သပေးနိုင်ခဲ့သည်။ သတို့သား သတို့သမီးစုံတွဲက First Love ဟူသော သီချင်းကိုနှစ်သက်ကြောင်း သိရှိချိန်တွင် IU သည် ထိုသီချင်းကို နာယွန်းကွမ်နှင့်အတူ တွဲဖက်သီဆိုပေးခဲ့သည်။

မင်္ဂလာအခမ်းအနားပြီးဆုံးချိန်တွင် အဆိုပါစုံတွဲသည် IU နှင့်အတူ တွေ့ဆုံစကားပြောခွင့်ရရှိခဲ့ပြီး IU က ဂုဏ်ယူဝမ်းမြောက်ကြောင်း ပြောဆိုခဲ့သည်။ ဒါ့အပြင် မင်္ဂလာလက်ဖွဲ့အဖြစ် ညအိပ်ဝတ်စုံဆင်တူ၊ ဝိုင်နှင့် ဝိုင်ပုလင်းများကို IU က လက်ဆောင်ပေးခဲ့သည်။ ထို့ကြောင့် သတို့သမီးက သူတို့စုံတွဲသည် ညအိပ်ဝတ်စုံ ဆင်တူတစ်ထည် မဝယ်ရသေးကြောင်းကို ပြောဆိုခဲ့ပြီး သူတို့လိုအပ်နေသည့်အရာကို လက်ဆောင်ပေးနိုင် သည့်အတွက် IU က ဝမ်းသာပျော်ရွှင်နေခဲ့သည်။

IU က သတို့သား၊ သတို့သမီးစုံတွဲကို မင်္ဂလာဆောင်၌ အံ့အားသင့်ဝမ်းသာသွားအောင် ဖန်တီးပေးခဲ့ပုံအား ဗီဒီယိုရိုက်ကူးထားပြီး ထိုဗီဒီယိုကို Youtube နှင့် လူမှုမီဒီယာများပေါ်သို့တင်ခဲ့ကာ အားပေးသူအများအပြား ရရှိခဲ့သည်။