အောက်တိုဘာ ၁၊ ပြင်သစ် ။ ။ ပြင်သစ်လိဂ်ပွဲစဉ်တစ်ပွဲဖြစ်သော အာမီယန်နှင့်လိုင်လီတို့၏ပွဲတွင် ပွဲကြည့်စင်ပြိုကျခဲ့မှုကြောင့် ပရိသတ် ၂၆ ဦးဒဏ်ရာရရှိခဲ့ပြီး ၄ ဦးမှာ ဒဏ်ရာပြင်းထန်စွာရခဲ့ကြသည်။
ထိုအဖြစ်အပျက်ကြောင့် ပွဲကို ရပ်နားခဲ့ပြီး ဒဏ်ရာရရှိသူများကို အရေးပေါ်ပြုစုကုသမှုများ ပြုလုပ်ခဲ့ကြသည်။ ထိုသတင်းမှာ မှန်ကန်ကြောင်း ဒေသဆိုင်ရာတာဝန်ရှိသူများက အတည်ပြုခဲ့သည်။
ပြင်းထန်စွာဒဏ်ရာရရှိခဲ့သူများမှာ ဧည့်သည် လိုင်လီအသင်း၏ပရိသတ်များဖြစ်သည်။ အာမီယန်အသင်းတာဝန်ရှိသူများက ယခုကိစ္စနှင့် ဒဏ်ရာရရှိခဲ့သည့် ပရိသတ်များ၏ကျန်းမာရေးအတွက် အပြည့်အဝတာဝန်ယူပါကြောင်း ကြေညာခဲ့သည်။
လိုင်လီအသင်းဥက္ကဋ္ဌသည် ယနေ့(တနင်္ဂနွေနေ့)တွင် ဒဏ်ရာရရှိသည့် ပရိသတ်များထံသို့ သွားရောက်ကြည့်ရှုအားပေးမည် ဖြစ်သည်။
ရည်ညွှန်း ဆော်ကာဝေး
