ခန္ဓာကိုယ်နာကျင်ကိုက်ခဲမှုများကို အချိန်တိုအတွင်း သက်သာပျောက်ကင်းစေသည့် နည်းလမ်းများ

ခန္ဓာကိုယ်နာကျင်ကိုက်ခဲမှုများကို အချိန်တိုအတွင်း သက်သာပျောက်ကင်းစေသည့် နည်းလမ်းများ

ရေးသားသူ Phyu Mon Latt
ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.

ခန္ဓာကိုယ်နာကျင်ကိုက်ခဲမှုများကို အချိန်တိုအတွင်း သက်သာပျောက်ကင်းစေသည့် နည်းလမ်းများ

သင်ဟာ ကိုယ်လက်လှုပ်ရှားမှု လုပ်နေကျဖြစ်စေ၊ လုပ်နေကျ မဟုတ်တာဖြစ်စေ ကိုယ်ခန္ဓာ နာကျင်မှုတွေဟာ နေရာတိုင်းအချိန်တိုင်း ဖြစ်ပွားနိုင်ပါတယ်။ ဒါပေမယ့် ကံကောင်းစွာနဲ့ပဲ ထိုင်ရာက မထပဲ နာကျင်မှု ဖြေဖျောက်စရာ နည်းလမ်းတွေ ရှိနေပါတယ်။

ခါးနာခြင်း

၁။ ကုလားထိုင်ပေါ်မှာ မတ်မတ်ထိုင်ပါ။
၂။ ခြေထောက်တစ်ဖက်ကို ရင်ဘတ်အထိ မြှောက်ပြီးတော့ လက်တစ်ဖက်နဲ့ ကိုင်ထားပါ။
၃။ ကိုယ်ခန္ဓာကို ရှေ့ကိုကုန်းပါ။
၄။ ဒီပုံစံကို စက္ကန့် ၃၀ လောက်ပြုလုပ်ပါ။
၅။ ခြေထောက်ကို ဖြည်းညင်းစွာ လွှတ်ပါ။
၆။ နောက်အခြားတစ်ဖက်ကို ပါ ပြုလုပ်ပါ။

ပုခုံးနာခြင်း

၁။ အသက်ပြင်းပြင်းရှူပြီး ပုခုံးတွေကို နားရွက်ထံကို မတင်ပါ။
၂။ ဒီအတိုင်း ၃ စက္ကန့်လောက် နေပါ။
၃။ အသက်ရှူထုတ်ပြီး ပုခုံးကို ပြန်ချလိုက်ပါ။
၄။ ၁၀ ကြိမ် (သို့) ဒီ့ထက်ပိုပြီး ပြုလုပ်ပါ။
ခြေထောက်နာခြင်း
၁။ ခြေထောက်တစ်ဖက်ကို အခြားခြေထောက်ရှေ့မှာထားပါ။
၂။ နောက်က ခြေထောက်ကို ဖြောင့်ဖြောင့် ထားပြီး ခြေချောင်းတွေကို ခြေဖဝါးဘက်ကို ကွေးလိုက်ပါ။
၃။ ဒီအတိုင်း ၃၀ စက္ကန့်လောက် နေပါ။
၄။ ခြေချောင်းတွေကို ဖြည်းဖြည်းချင်း ဖြောင့်လိုက်ပါ။
၅။ ခြေထောက်ကို လဲပြီး ဒီပုံစံအတိုင်း အခြားတစ်ဖက်ကို ပြုလုပ်ပါ။

လက်မောင်းဆစ် နာကျင်ခြင်း

၁။ လက်နှစ်ဘက်လုံးနဲ့ လက်သီးဆုပ် ပြုလုပ်ပါ။
၂။ သင့်ရှေ့မှာ လက်သီးဆုပ်ကို ထားပါ။
၃။ အဆစ်တွေနဲ့ လေထဲမှာ စက်ဝိုင်းပုံစံ ပြုလုပ်ပါ။
၄။ ဦးတည်ရာ နှစ်ဘက်လုံးမှာ ဆယ်ကြိမ်ခန့် ပြုလုပ်ပါ။

ရင်ဘတ် ကြွက်သား နာကျင်ခြင်း

၁။ လက်နှစ်ဖက်ကို ခေါင်းနောက်မှာထားပြီး တံတောင်ဆစ်ကို တောင်ပံပုံစံ ဖြစ်အောင် လုပ်ပါး။
၂။ လက်တွေကို အနောက်ဘက်ကို နှိမ့်ချပါ။ ဒါမှသာ ပုခုံးတွေက တစ်ခုနဲ့ တစ်ခုနီးကပ်လာပါလိမ့်မယ်။
၃။ ဒီအတိုင်း ၃၀ စက္ကန့်လောက် နေပါ။
၄။ လက်တွေကို စစချင်းပုံစံဖြစ်အောင် ဖြည်းဖြည်းချင်း ပြန်လုပ်ပါ။

တင်ပါးဆုံ နာကျင်ခြင်း

၁။ ထိုင်ခုံအစွန်းမှာ မတ်မတ်ထိုင်ပါ။
၂။ နောက်ကျောကို မတ်ထားပြီး ရင်ဘတ်ပိုင်းကို ညာဘက်ကို အနည်းငယ် လှည့်ပါ။
၃။ အနောက်က ဘယ်ခြေထောက်ကို ဆန့်ထုတ်ပါ။
၄။ ညာခြေထောက်ကို ၉၀ ဒီဂရီထားပါ။
၅။ ရင်ဘတ်ကို မတ်ထားပြီး တင်ပါးဆုံးကို ဖိပါ။
၆။ ဒီအတိုင်း ၃၀ စက္ကန့်လောက် နေပါ။
၇။ ဖြည်းညင်းစွာ လွှတ်ပြီး စစချင်း ပုံစံကို ပြန်သွားပါ။
၈။ ဒီပုံစံအတိုင်း အခြားတစ်ဖက်ကို ပြုလုပ်ပါ။

တင်ပါးကြွက်သား နာကျင်ခြင်း

၁။ ကုလားထိုင်ပေါ်မှာ မတ်မတ်ထိုင်ပါ။
၂။ ညာဘက်ခြေချင်းဝတ်ကို ဘယ်ဒူးပေါ်တင်ပါ။
၃။ ရှေ့ကို ကုန်းပါ။
၄။ တင်ပါးကြွက်သားတွေ တင်းမာလာတာကို ခံစားရပါလိမ့်မယ်။ လိုတာထက် ပိုမတင်းပါစေနဲ့။
၅။ ဒီအတိုင်း ၃၀ စက္ကန့်လောက် နေပါ။
၆။ ဖြည်းဖြည်းချင်း ပြန်မတ်ပါ။
၇။ ကျန်ခြေထောက်တစ်ဖက်နဲ့ ပုံစံတူ ပြုလုပ်ပါ။

ခါးအပေါ်ပိုင်း နာခြင်း

၁။ ကိုယ့်ကိုယ်ကို ဖက်ပါ။
၂။ ညာလက်ကို ဘယ်ပုခုံးပေါ်တင်ပြီး ဘယ်လက်ကို ညာပုခုံးပေါ်တင်ပါ။
၃။ အသက်ပြင်းပြင်း ရှူပါ။
၄။ ဒ ဒီအတိုင်း ၃၀ စက္ကန့်လောက် နေပါ။
၅။ ဖြည်းညင်းစွာ လွှတ်ပါ။

ဒူးနာခြင်း

၁။ ထိုင်ခုံပေါ်မှာ မတ်မတ်ထိုင်ပါ။
၂။ ဖြည်းဖြည်းချင်း မတ်တပ်ရပ်ပါ။
၃။ လှုပ်ရှားမှုတစ်ခုအဖြစ် မတ်တပ်ရပ်ပါ။
၄။ ဖြည်းညင်းစွာ ထိုင်ပါ။
၅။ ဒီပုံစံအတိုင်း ၁၀ ကြိမ်ခန့် ပြုလုပ်ပါ။

လည်ပင်းနာခြင်း

၁။ ထိုင်ခုံပေါ်မှာ မတ်မတ်ထိုင်ပါ။
၂။ ခေါင်ကို တစ်ဖက်ကို စောင်းပါ။
၃။ ဒီအတိုင်း ၃၀ စက္ကန့်လောက် နေပါ။
၄။ ခေါင်းကို အရင်ပုံစံကို ဖြည်းဖြည်းချင်း ပြန်ထားပါ။
၅။ အခြားတစ်ဖက်ကိုလည်း တစ်ပုံစံတည်း ပြန်လည် ပြုလုပ်ပါ။

ဤဆောင်းပါးကို Mizzima ၏ မိတ်ဘက် ကျန်းမာရေးနှင့် ဆေးပညာဝက်ဘ်ဆိုဒ် hellosayarwon.com မှ ကူးယူဖော်ပြပါသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly