One Championship

တိုင်းရင်းဆေးနှင့် ပြည်ပတင်ပို့ရန်အတွက် သီရိလင်္ကာက ဆေးခြောက်စိုက်ခင်း တရားဝင် ပျိုးထောင်

.

ကိုလံဘို၊ စက်တင်ဘာ ၁၃ ။           ။ သီရိလင်္ကာနိုင်ငံသည် ရိုးရာတိုင်းရင်းဆေးအတွက် လည်းကောင်း၊ အမေရိကန်သို့ တင်ပို့ရန်အတွက် လည်းကောင်း တရားဝင်ဆေးခြောက်စိုက်ပျိုးမှုအား စတင်ဆောင်ရွက်နေပြီ ဖြစ်သည်ဟု ကျန်းမာရေးဝန်ကြီးဌာနက စက်တင်ဘာ ၁၃ ရက်တွင် ပြောသည်။

စစ်တပ်၏ ကာကွယ်စောင့်ရှောက်မှုဖြင့် ပုံမှန်အရည်အသွေးကောင်း ဆေးခြောက်များ တစ်နှစ် တန်ချိန် ၂၅ တန် ထွက်ရှိမည့် ဧက ၁၀၀ ဆေးခြောက်စိုက်ခင်းကို စတင်စိုက်ပျိုးပြီဖြစ်ကြောင်း ဝန်ကြီး ရာဂျစ်သာဆန်နာရတ်နီက ပြောသည်။

"တော်တော်များများ တိုင်းရင်းဆေးဆရာဝန်တွေဟာ သူတို့ဆေးဖော်စပ်ဖို့အတွက် အရည်အသွေးကောင်းတဲ့ ဆေးခြောက် မရနိုင်ဘူး ဖြစ်နေတယ်လို့ ပြောကြတယ်။ ဆေးခြောက်ကောင်းကောင်းဟာ တိုင်းရင်းဆေးဖော်ရာမှ မပါမဖြစ်ပါပဲ။"ဟု ဆန်နာရတ်နီက သတင်းထောက်များအား ပြောသည်။

ပရဆေး သစ်ဖုသစ်မြစ်များဖြင့် ဖော်စပ်ရသော တိုင်းရင်းဆေးဈေးကွက်သည် ဆေးခြောက် တရားမဝင်စိုက်ပျိုးမှု၊ မှောင်ခိုကုန်ကူးမှုများကို ဖမ်းဆီးသိမ်းယူရမိသည့် တရားရုံးများမှ ရရှိသော ဆေးခြောက်အပေါ်တွင်သာ မှီခိုအားထားနေခြင်း ဖြစ်သည်ဟု ၎င်းက ဆိုသည်။

ကိုလံဘိုမြို့မှ အရှေ့တောင်ဖက် ၃၇ မိုင်အကွာတွင် ရှိသော ယခုဆေးခြောက်စိုက်ခင်းကနေ တိုင်းရင်းဆေးအတွက် လိုအပ်ပမာဏကို ဖြည့်ဆည်းပြီး ပိုလျှံသည်ကို ပြည်ပတင်ပို့ဖို့လည်းအစိုးရက မျှော်မှန်းထားသည်ဟု ပြောသည်။

"အမေရိကန်နဲ့ နိုင်ငံတစ်ချို့မှာ ဆေးခြောက် ဝယ်လိုအား ကြီးကြီးမားမား ရှိတယ်။ အကိုက်အခဲပျောက်ဆေးနဲ့ စိတ်ငြိမ်ဆေးတွေ ထုတ်လုပ်ရာမှာ ဆေးခြောက်ကို အသုံးပြုနေကြရတာပဲ ဖြစ်တယ်။"ဟု ဝန်ကြီး ဆန်နာရတ်နီက ပြောခဲ့သည်။

သီရိလင်္ကာတွင် ဆေးခြောက်ရှုခြင်းနှင့် လက်ဝယ်တွေ့ရှိခြင်းသည် ဥပဒေကို ဆန့်ကျင်သည့် ပြစ်မှုမြောက်သည်။