သြဂုတ် ၂၃ ။ ။ စင်ကာပူကမ်းလွန်မှာ ဆီတင်သင်္ဘောနဲ့ ဖျက်သင်္ဘောတို့ တိုက်မိခဲ့ပြီး လူသေဆုံးမှုရှိခဲ့တဲ့ ဖြစ်စဉ်နဲ့ပတ်သက်လို့ ယခုအခါ အမှတ် ရ ရေတပ်အုပ်စု၏ တပ်မှူးကို ဖယ်ရှားလိုက်ပြီ ဖြစ်ကြောင်း အမေရိကန်ရေတပ်က သြဂုတ် ၂၃ တွင် အတည်ပြုသည်။
ဒုတိယရေတပ်ဗိုလ်ချုပ်ကြီး ဂျိုးဇက် အော်ကွိုင်၏ ဦးဆောင်မှု အရည်အချင်းပေါ် ယုံကြည်မှု မရှိတော့ခြင်းကြောင့် လက်ရှိ အမှတ် ရ ရေတပ်အုပ်စု တပ်မှူးအဖြစ်မှ ရပ်ဆိုင်းလိုက်ပြီ ဖြစ်ကြောင်း ရေတပ်ထုတ်ပြန်ချက်တွင် ဖော်ပြထားသည်။
သင်္ဘောသား ဆယ်ဦး ပျောက်ဆုံးပြီး ငါးဦး ဒဏ်ရာရရှိခဲ့သည့် အမေရိကန်ဖျက်သင်္ဘော USS John S.McCain နဲ့ ဆီတင်သင်္ဘောတို့ တိုက်မိမှုဖြစ်စဉ်နှင့်ပတ်သက်၍ အမေရိကန်ရေတပ်က စုံစမ်းစစ်ဆေးမှုများ ဆောင်ရွက်နေလျက်ရှိပါတယ်။
အမေရိကန်ရေတပ်၏ အမှတ် ရ ရေတပ်အုပ်စုမှာ ဂျပန်နိုင်ငံ ယိုကိုဆူကာတွင် အခြေစိုက်ပြီး အမေရိကန်စစ်တပ်၏ အာရှဒေသတွင်း အခြေပြုသည့် အဓိကအင်အားစုလည်း ဖြစ်သည်။ အလားတူ တောင်တရုတ်ပင်လယ်နှင့် ကိုရီးယားကျွန်းဆွယ်တို့ကဲ့သို့ ဒေသများအတွက် အရေးကြီးတဲ့ လုပ်ငန်းတာဝန်များကို တာဝန်ယူထားရသည့် ရေတပ်အုပ်စုလည်းဖြစ်သည်။
ဖယ်ရှားခံရသည့် အော်ကွိုင်မှာ ယင်းရာထူးနေရာကို ၂၀၁၅ ခုနှစ်ကမှ စတင်ရယူထားခဲ့ခြင်းဖြစ်သည်။ ယခုအခါ ၎င်း၏ နေရာတွင် ဗိုလ်ချုပ်ကြီး ဖီးလ် ဆောယာက အစားထိုးတာဝန်ယူသွားမည်ဖြစ်သည်။