ရန်ကုန်၊သြဂုတ်၂၀ ။ ။ ပြည်နယ်နှင့်တိုင်း (၄)ခုတွင် H1N1ရောဂါပိုးတွေ့ရှိသူ (၆)ဦးထပ်မံတိုးလာကြောင်း ကျန်းမာရေးနှင့်အားကစားဝန်ကြီးဌာန၏ ထုတ်ပြန်ချက်စာရင်းအရ သိရသည်။
ပဲခူးတိုင်းဒေသကြီး၊ တနင်္သာရီတို်င်းဒေသကြီး၊ စစ်ကိုင်းတိုင်းဒေသကြီးတို့တွင် H1N1ရောဂါတွေ့ရှိသူ (၁)ဦးစီတွေ့ရှိခဲ့ပြီး ကရင်ပြည်နယ်တွင် (၃)ဦးတွေ့ရှိခဲ့ကြောင်း သြဂုတ်လ(၁၈)ရက်နေ့မှလ(၁၉)ရက်နေ့အထိ တစ်ရက်တာအတွင်း စာရင်းများရသိရသည်။
ဇူလိုင်လ(၂၁)ရက်နေ့မှစ၍ သြဂုတ်(၁၉)ရက်အထိ တစ်နိုင်ငံလုံးရှိ ပြည်နယ်နှင့် တိုင်းဒေသ(၁၃)ခုတွင် H1N1ရောဂါတွေ့ရှိသူ (၂၈၈)ဦးတွင် သေဆုံးသူ(၂၉)ဦး ရှိနေခဲ့သည်။
H1N1ရောဂါတွေ့ရှိသော်လည်း ၎င်းရောဂါကြောင့်မဟုတ်ပဲ သေဆုံးသူ(၂၀)ဦးရှိနေသည်ဟုလည်း ထုတ်ပြန်ထားသည်။
H1N1ဖြစ်ပွားမှုနှင့်ပတ်သတ်၍ ကမ္ဘာ့ကျန်းမာရေးအဖွဲ့မှ စောင့်ကြည့်နေပြီး ဇန်နဝါရီလမှ သြဂုတ်လ(၅)ရက်ထိ (၇)လတာ စာရင်းများအရ H1N1ပိုးတွေ့နိုင်ငံများတွင် အိမ်နီးချင်းနိုင်ငံများလည်းရှိနေသည်။
Seasonal Influenza A(H1N1)pdm 09 ရောဂါပိုးအား တရုတ်၊ အိန္ဒိယ၊ နီပေါ၊ သီရိလင်္ကာ၊ မော်လဒိုက်၊ ဘင်္ဂလားဒေ့ရှ်၊ မလေးရှား၊ ဘူတန်နိုင်ငံနှင့် အင်ဒိုနီးရှားတို့၌လည်း တွေ့ရှိရသည်။