ရီဟားနားအပေါ် ကိုယ်ထိလက်ရောက် ကျူးလွန်ခဲ့မှုအား ဖွင့်ဟပြောဆိုခဲ့သည့် ခရစ္စဘရောင်း

ရီဟားနားအပေါ် ကိုယ်ထိလက်ရောက် ကျူးလွန်ခဲ့မှုအား ဖွင့်ဟပြောဆိုခဲ့သည့် ခရစ္စဘရောင်း

အဆိုတော်ခရစ္စဘရောင်းသည် သူ၏ချစ်သူဟောင်း ရီဟားနားအပေါ် ကိုယ်ထိလက်ရောက် ကျူးလွန်ခဲ့မှုနှင့် သူမကို ကြမ်းကြမ်းတမ်းတမ်းပြုမူကာ ထိုးကြိတ်ခဲ့သောကြောင့် သူတို့၏အချစ်ရေး အဆုံးသတ်ခဲ့ရပုံအား ဖွင့်ဟ ပြောကြားခဲ့သည်။

လွန်ခဲ့သော ၂၀၀၉ ခုနှစ်က ခရစ္စဘရောင်းသည် သူ၏ကားထဲ၌ ရီဟားနားကို ထိုးကြိတ်ခဲ့သောကြောင့် သူမ၏နှုတ်ခမ်းကွဲခဲ့ပြီး ပွန်းပဲ့ဒဏ်ရာများ ရရှိခဲ့ပုံကို ထိုကာလက ဓာတ်ပုံများ၌ မြင်တွေ့ခဲ့ရသည်။

ဘရောင်းက သူနှင့်ရီဟားနားတို့သည် အမျိုးသမီးတစ်ဦးနှင့်ပက်သက်၍ ငြင်းခုန်ရန်ဖြစ်နေစဉ်တွင် သူမကသူ့ကို ကန်ကျောက်ရိုက်နှက်ခဲ့သောကြောင့် သူကလည်း သူမကိုပြန်၍ရိုက်ခဲ့ပြီး လက်မောင်းကို ကိုက်ခဲ့ကြောင်း မှတ်တမ်းရုပ်ရှင်အသစ်ထဲတွင် သူက ဖွင့်ဟပြောကြားခဲ့သည်။

ဒါ့အပြင် ဘရောင်းက သူ့ကိုယ်သူ မိစ္ဆာတစ်ကောင်လို ခံစားရကြောင်းနှင့် အဆိုပါအရိပ်ဆိုးကြီးသည် သူ့ကို တစ်သက်လုံး ခြောက်လှန့်နေတော့မည်ဖြစ်ကြောင်း ပြောခဲ့သည်။

ထိုသို့ ကိုယ်ထိလက်ရောက် ကျူးလွန်မှုအတွက် ဘရောင်းသည် ငါးနှစ်ခန့် ခံဝန်ချုပ်ဖြင့် နေထိုင်ခဲ့ရပြီး ပတ်ဝန်း ကျင်၌လည်း စေတနာ့ဝန်ထမ်းအလုပ်များ လုပ်ပေးခဲ့ရသည်။

Chris Brown: Welcome to my Life ဟု အမည်ရသော အဆိုပါမှတ်တမ်းရုပ်ရှင်အသစ်ထဲတွင် ဘရောင်းက ရီဟားနားသည် သူ့ကိုမုန်းတီးသွားကြောင်းနှင့် သူတို့နှစ်ဦး၏ဆက်ဆံရေးသည် တည်ငြိမ်မှုမရှိခဲ့ကြောင်း ဖွင့်ဟ ပြောကြားခဲ့သည်။

 

 

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required