မကွေး၊ သြဂုတ် ၁၆ ။ ။ ပွင့်ဖြူမြို့နယ် ပေတောကျောင်းကုန်း ဘကကျောင်းမှ H1N1ဖြင့် မကွေးဆေးရုံတွင် တက်ရောက်ကုသနေသော ဆရာလေး အယ်မြဝင်းသည် ကျန်းမာရေး ကောင်းမွန်လာသဖြင့် သြဂုတ်လ ၁၄ ရက်နေ့က တိုင်းပြည်သူ့ဆေးရုံ မှ ဆင်းခဲ့ပြီဖြစ်ကြောင်း သိရသည်။
အဆိုပါ ဆရာလေးသည် သြဂုတ်လ ၅ ရက်နေ့က မကွေးတိုင်းပြည်သူ့ဆေးရုံသို့ တက်ရောက်ကာ သြဂုတ်လ ၆ ရက်နေ့တွင် သူမ၏ နှာခေါင်းတို့ပတ်အား ရန်ကုန် ပြည်သူကျန်းမာရေး အထူးရောဂါစစ်ဆေးရေးဌာနသို့ ပို့ဆောင်စစ်ဆေးခဲ့ရာ သြဂုတ်လ ၉ ရက်နေ့တွင် ရာသီတုပ်ကွေးရောဂါ A(H1N1)ပိုး တွေ့ရှိခဲ့၍ မကွေးတိုင်း ပြည်သူ့ဆေးရုံတွင် ဆက်လက်ဆေးကုသခဲ့ခြင်းဖြစ်ကြောင်း သိရသည်။
သြဂုတ်လ (၁၅)ရက်နေ့အထိ မကွေးတိုင်းပြည်သူ့ဆေးရုံတွင် ရာသီတုပ်ကွေးရောဂါA(H1N1)ပိုး တွေ့ရှိသူ (၉)ဦး တက်ရောက်ကုသလျက်ရှိကြောင်း၊ကျန်းမာရေး သက်သာကောင်းမွန်လာ၍ ဆေးရုံမှ ဆင်းခွင့်ရသော လူနာ(၇)ဦးရှိပြီး ကျန်လူနာ (၂)ဦးမှာလည်း ကျန်းမာရေး သက်သာကောင်းမွန်လျက်ရှိကြောင်း မကွေးတိုင်းပြည်သူ့ကျန်းမာရေးဦးစီးဌာနမှ သိရသည်။
“H1N1 ဆိုတာကြောက်စရာ မဟုတ်ပါ ကျန်းမာရေးအသိရှိပြီး လိုက်နာကြရင် ကင်းဝေးနိုင်ပါတယ် ကုသလို့ ရတဲ့ရောဂါဖြစ်ပါတယ်” ဟု အဆိုပါရောဂါနှင့် ပတ်သက်၍ ကူညီဆောင်ရွက်ပေးနေသည့် ပွင်ဖြူမြို့နယ် သမ္မာဆန္ဒနာမှု ကရုဏာရှင်များနာမှုကူညီရေးအသင်းမှ ကိုပေတူးက ပြောသည်။