မြဝတီတွင် ကျူရှင်​ဆရာက ​ကျောင်​းသူ​ ၄ ဦးအား ​မဖွယ်​မရာပြုကျင်​့မှုဖြစ်ပွား

မြဝတီတွင် ကျူရှင်​ဆရာက ​ကျောင်​းသူ​ ၄ ဦးအား ​မဖွယ်​မရာပြုကျင်​့မှုဖြစ်ပွား

မြဝတီ၊ သြဂုတ်လ ၁၁ ။             ။ ကျူရှင်ဆရာတစ်ဦးက ကျောင်းသူ ၄ ဦးအား မဖွယ်မရာပြုလုပ်ခဲ့သည့်အတွက် ကျောင်းသူ မိဘများက လာရောက်တိုင်ကြားမှု မြဝတီမြို့၌ သြဂုတ်လ ၁၁ ရက်က ဖြစ်ပွားခဲ့သည်။

ဖြစ်စဉ်မှာ မြဝတီမြို့နယ်၊ ဖလူးကျေးရွာအုပ်စု၊ ……ကျေးရွာတွင် ကျူရှင်သင်ကြားနေသော ဆရာ ၁ ဦး က ကျူရှင်လာရောက်သင်ကြားသည့် ကျောင်းသူ ၄ ဦးအား နေအိမ်အိပ်ခန်းအတွင်းေ ခါ်ယူ၍ မဖွယ်မရာပြုလုပ်ခဲ့ကြောင်း သိရသည်။

အသေးစိတ်စစ်မေးရာ သြဂုတ်လ ၉ ရက်နေ့ ညနေ ၆ နာရီခန့်က ဒေါ်……သည် သမီးဖြစ်သူ မ….(၁၁)နှစ်က ကျူရှင်မသွားလိုကြောင်းပြောသဖြင့် သမီးဖြစ်သူအားမေးမြန်းရာ သမီးဖြစ်သူနှင့်အတူ ကျူရှင်အတူတူတက်ရောက်နေသော မ…… (၁၁)နှစ်၊ မ……(၁၁)နှစ်၊ မ……. (၁၃)နှစ် တို့ ၃ ဦးအား ကျူရှင်ဆရာဖြစ်သူ ဦးဌေးဝင်း(၅၁)နှစ်(ဘ)ဦးမောင်မြိုင်၊ ၁၀/ပမန(နိုင်)၀၁၆၇၅၁၊ ပြင်ပကျူရှင်ဆရာ၊ ဖလူးကျေးရွာအုပ်စု၊ မြဝတီမြို့နယ်နေသူက စာဆိုရန် ပြောကာ ၄င်း၏ အိပ်ခန်းအတွင်းသို့ ခေါ်ဆောင်၍ မဖွယ်မရာများပြုလုပ်ခဲ့ကြောင်း ပြောခဲ့သည်။

ထို့ကြောင့် မိန်းကလေးငယ်၏ မိခင်က ကျေးရွာအုပ်ချုပ်ရေးမှူးအား ပြောပြခဲ့ပြီး ဥပဒေအရ အရေးယူပေးနိုင်ပါရန် မြဝတီမြို့မရဲစခန်းသို့ လာရောက်တိုင်တန်းခဲ့သည်။

လက်ရှိတွင် ကျောင်းသူ ၄ ဦး၏ မိခင်များက တရားလိုပြုလုပ်တိုင်တန်းခဲ့ကြပြီး ပြစ်မှုကျူးလွန်သူ ကျူရှင်ဆရာဌေးဝင်းအား ဖမ်းဆီးရမိနိုင်ရေးအတွက် မြဝတီမြို့မရဲစခန်းမှူး ဒုရဲမှူးကိုကိုနိုင်၊ နယ်ထိန်းအရာရှိ ဒုရဲအုပ်သက်နိုင်စိုးဦးစီးအဖွဲ့တို့မှ ဖလူးကျေးရွာအုပ်ချုပ်ရေးမှူး ဦးစောထိန်လင်း အဖွဲ့တို့နှင့်အတူ နေအိမ်သို့ သွားရောက်ရှာဖွေဖမ်းဆီးခဲ့ရာ သြဂုတ်လ ၁၁ ရက်နေ့၊ ည(၈း၂၀)နာရီ အချိန်တွင် ဖမ်းဆီးရမိခဲ့ပြီး မြဝတီမြို့မရဲစခန်းသို့ ခေါ်ဆောင်ကာ အမှုဖြင့် ရဲစခန်း၌ ချုပ်နှောင်ထားရှိပြီး စစ်ဆေးဆောင်ရွက်လျက်ရှိကြောင်း သိရသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly