အိမ်ထောင်သက် ၈ နှစ်အကြာတွင် ခရစ္စပရက်နှင့် အန်နာဖားရစ်တို့ ကွာရှင်းပြတ်ဆဲ

အိမ်ထောင်သက် ၈ နှစ်အကြာတွင် ခရစ္စပရက်နှင့် အန်နာဖားရစ်တို့ ကွာရှင်းပြတ်ဆဲ

ဟောလိ၀ုဒ်မင်းသား ခရစ္စပရက်နှင့် မင်းသမီးအန်နာဖားရစ်တို့သည် အိမ်ထောင်သက် ၈ နှစ်ခန့် ပြည့်မြောက် ပြီးနောက်တွင် ကွာရှင်းပြတ်ဆဲခဲ့ပြီဖြစ်ကြောင်း သူတို့နှစ်ဦးစလုံးက တနင်္ဂနွေနေ့တွင် ကြေညာခဲ့သည်။

“အန်နာနဲ့ကျနော်တို့ တရားဝင်ကွာရှင်းတော့မယ်ဆိုတဲ့ သတင်းကို စိတ်မကောင်းစွာနဲ့ပဲ ကြေညာလိုက်ရပါ တယ်။ ကျနော်တို့ အချိန်အကြာကြီး ကြိုးစားခဲ့ရပါတယ်။ ပြီးတော့ ကျနော်တို့နှစ်ယောက်လုံး စိတ်ပျက်နေကြ ပါပြီ” ဟု အသက် ၃၈ နှစ်အရွယ် ခရစ္စပရက်က သူ၏တရားဝင် ဖေ့စ်ဘုတ်စာမျက်နှာမှတဆင့် ကြေညာခဲ့သည်။

ဒါ့အပြင် အသက် ၄၀အရွယ် အန်နာဖားရစ်ကလည်း အလားတူစာသားများအတိုင်း သူမ၏လူမှုမီဒီယာမှတဆင့် ကြေညာခဲ့သည်။

လူကြိုက်များသည့် Guardians of the Galaxy၊ The Lego Movie နှင့် Jurassic Wolrd ဇာတ်ကားများ၏ ခေါင်းဆောင်မင်းသားဖြစ်သော ခရစ္စပရက်နှင့် Scary Movie ဇာတ်ကားများ၏ မင်းသမီးဖြစ်သူ အန်နာဖားရစ် တို့နှစ်ဦးသည် အိမ်ထောင်သက် ၈ နှစ်အတွင်း လေးနှစ်အရွယ် သားလေးတစ်ဦးထွန်းကားခဲ့သည်။

“ကျနော်တို့ရဲ့ သားလေးဟာ သူ့ကိုအရမ်းချစ်တဲ့ မိဘနှစ်ပါးကိုပိုင်ဆိုင်ထားပြီးတော့ သားလေးကြောင့်ပဲ ကျနော် တို့ရဲ့ အခုကိစ္စကို နှစ်ကိုယ်ကြားထားပြီးတော့ ရှေ့ဆက်သွားနိုင်ဖို့ ကြိုးစားသွားမှာပါ” ဟု ခရစ္စပရက်တို့ စုံတွဲက ပြောဆိုခဲ့သည်။

“ပြီးတော့ ကျနော်တို့ တစ်ယောက်ကိုတစ်ယောက် ချစ်နေဆဲပါပဲ။ ကျနော်တို့အတူရှိခဲ့တဲ့ အချိန်တွေကို အမြဲ ရင်ထဲမှာ သိမ်းထားပြီးတော့ တစ်ယောက်ကိုတစ်ယောက် လေးစားသမှုနဲ့ ဆက်လက်နေထိုင်သွားမှာပါ” ဟု လည်း သူတို့စုံတွဲက အတူတကွ ကြေညာခဲ့သည်။

ခရစ္စပရက်တို့စုံတွဲသည် လွန်ခဲ့သော ၂၀၀၉ ခုနှစ်က လက်ထပ်ခဲ့ကြပြီး ၂၀၁၁ ခုနှစ်တွင် ထွက်ရှိခဲ့သော Take Me Home Tonight ရုပ်ရှင်ဇာတ်ကားတွင် အတူတွဲဖက် သရုပ်ဆောင်ခဲ့ကြသည်။

 

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required