သြဂုတ် ၅ ။ ။ မြန်မာနိုင်ငံတွင် ဖြစ်ပွားနေလျက်ရှိသည့် H1N1 ရာသီတုပ်ကွေးရောဂါ ပြန့်နှံ့မှုကို ထိန်းချုပ်ကာကွယ်ရေးအတွက် မြန်မာနိုင်ငံကို တရုတ်က အကူအညီပေးသွားမည်ဖြစ်ကြောင်း သိရသည်။
H1N1 ထိန်းချုပ်ကာကွယ်ရေး ဆောင်ရွက်နေရသည့် မြန်မာနိုင်ငံအတွက် တရုတ်အစိုးရဘက်မှ လူသားချင်းစာနာမှုဆိုင်ရာအကူအညီများပေးပို့မည်ဖြစ်ကြောင်း တရုတ် ကုန်သွယ်ရေးဝန်ကြီးဌာနက သြဂုတ် ၄ ရက်တွင် ထုတ်ပြန်ခဲ့သည်။
အလားတူ မြန်မာနိုင်ငံတွင် အားချင်းလိုအပ်နေသည့် ရောဂါ ထိန်းချုပ်ကာကွယ်ရေးဆိုင်ရာ အကူအညီများ အမြန်ဆုံး ပေးပို့သွားနိုင်ရေးအတွက်လည်း တရုတ် ကုန်သွယ်ရေးဝန်ကြီးဌာနက အခြားသော အစိုးရဌာနများနှင့် လက်တွဲလုပ်ဆောင်နေလျက်ရှိကြောင်း သိရသည်။
ဇူလိုင်လ ၂၁ ရက်မှ သြဂုတ် ၄ ရက်အထိ မြန်မာနိုင်ငံတွင် H1N1 တုပ်ကွေးပိုးတွေ့သူ လူနာစုစုပေါင်း ၁၃၂ ဦးနှင့် သေဆုံးသူ စုစုပေါင်း ၁၅ ဦးထိရှိကြောင်း သိရသည်။
