KBZ mBanking

လျူရှောက်ဘို သေဆုံးခြင်းအတွက် ဟောင်ကောင်ရှိ တရုတ်ဆက်ဆံရေးရုံးရှေ့ ဝမ်းနည်းပူဆွေးမှု ပြသ

.

ဟောင်ကောင်၊ ဇူလိုင် ၁၄ ။               ။ တရုတ်နိုဘယ်ဆုရှင် လျူရှောက်ဘို သေဆုံးခြင်းအတွက် ဇူလိုင် ၁၃ ရက်ညတွင် ဟောင်ကောင်ရှိ တရုတ်ဆက်ဆံရေးရုံးရှေ့၌  ဒီမိုကရေစီ တက်ကြွလှုပ်ရှား သူများနှင့်  ပြည်သူများက ဝမ်းနည်းပူဆွေးမှုကို ပြသကြသကဲ့သို့ တရုတ်အပေါ် စိတ်ဆိုးဒေါသထွက်ကြသည်။

လျူရှောက်ဘို၏ အဖြူအမည်း ဓာတ်ပုံရှေ့တွင် ဂန္ဓမာပန်းစည်းများ ချထားကြပြီး ဝမ်းနည်းဖွယ် သီချင်းများကို သီကြွေးကြသည်။  တစ်ချို့က ငိုကြွေးကာ လျူရှောက်ဘို၏ အကြောင်းကို ဟစ်ကြွေးကြသည်။
 
ယင်းနေရာတွင် ရဲအင်အား ထူထပ်စွာ ချထားပြီး တစ်ချိန်ကို လူဆယ်ဦးသာ ဝင်ခွင့်ပြုသည်။ အနောက်ပိုင်း ဟောင်ကောင်ကျွန်းရှိ တရုတ်ဆက်ဆံရေးရုံးအပြင်ဖက် ပလက်ဖောင်းတွင် လျူရှောက်ဘိုအတွက် ဝမ်းနည်းသူ လူတန်းကြီးဖြင့် ပြည့်နေသည်။

တစ်ချို့သော တက်ကြွလှုပ်ရှားသူများက ကင်ဆာခံစားနေရသော လျူရှောက်ဘိုအား ပြည်ပတွင် ဆေးကုသမှုပေးရေး တောင်းဆိုလျက်ရှိစဉ် ၄င်းက ဇူလိုင် ၁၃ ရက်တွင် ကွယ်လွန်ခြင်းဖြစ်သည်။

ဟောင်ကောင်တွင် ဇူလိုင် ၁ ရက်က ဒီမိုကရေစီထောက်ခံသော ချီတက်မှုတွင် အဓိက တောင်းဆိုသည်မှာလည်း လျူရှောက်ဘိုနှင့် ဇနီးတို့အား ပြန်လွှတ်ရေးဖြစ်သည်။ ဗြိတိန်လက်အောက်မှ တရုတ်သို့ ဟောင်ကောင်ဒေသ ပြန်လည်ရောက်ရှိသည့် နှစ် ၂၀ ပြည့်အထိမ်းအမှတ်သို့ တရုတ်သမ္မတ ရှီကျင့်ဖျင် လာရောက်ချိန်တွင် ယင်းသို့ တောင်းဆိုခဲ့ကြခြင်းဖြစ်သည်။

“လျူရှောက်ဘိုရဲ့ ဖြစ်ရပ်ဟာ ဟောင်ကောင်ပြည်သူတွေအတွက် တရုတ်အာဏာပိုင်တွေဟာ လူမဆန်သလို လူအခွင့်အရေးကို နည်းနည်းမှ စဉ်းစားကြတာ မဟုတ်ဘူးလို့ ခံစားမိစေတယ်။”ဟု တက်ကြွလှုပ်ရှားသူတစ်ဦးက ပြောခဲ့သည်။

တရုတ်နိုင်ငံတွင် လူ့အခွင့်အရေးနှင့် ဒီမိုကရေစီအရေး တက်ကြွလှုပ်ရှားသူ လျူရှောက်ဘိုသည် အသက် ၆၁ နှစ်အရွယ်တွင် အသည်းကင်ဆာရောဂါဖြင့် ဇူလိုင် ၁၃ ရက်က ကွယ်လွန်ခဲ့ခြင်းဖြစ်သည်။

လျူရှောက်ဘိုသည် တရုတ်အရှေ့မြောက်ပိုင်းက ဆေးရုံတွင် နောက်ဆုံးအဆင့်အသည်းကင်ဆာရောဂါအတွက် ကုသမှုခံနေဆဲ တိမ်းပါးခြင်းဖြစ်သည်။

၎င်းကို နိုင်ငံတော်သစ္စာဖောက်မှုဖြင့် ထောင်ဒဏ် ၁၁ နှစ်ချမှတ်ထားရာမှ ပြီးခဲ့သည့်လကမျှ ဆေးရုံတင်ထား ကုသနေခဲ့ခြင်းဖြစ်သည်။

တက္ကသိုလ်ပါမောက္ခတစ်ဦးအဖြစ်မှ လူ့အခွင့်အရေး လှုပ်ရှားလာခဲ့သူ လျူရှောက်ဘိုအား အာဏာပိုင်များက ရာဇဝတ်သားတစ်ဦးအဖြစ် သတ်မှတ်ထားခြင်း ခံခဲ့ရသည်။