ရန်ကုန်၊ သြဂုတ် ၅ ။ ။ မြန်မာတစ်နိုင်ငံလုံးရှိ ရေဘေးသင့် ပြည်သူများကို ကူညီပံ့ပိုးပေးရန် အတွက် စာအုပ်နှင့်အလှူငွေ လဲလှယ်ပွဲကို ပန်းဆိုးတန်း(အလယ်) အမှတ် ၁၄၄၊ စာပေနန်းတော် (ယခင်စာပေလောက ၅) စာအုပ်ဆိုင် အပေါ်ထပ်ရှိ ပန်းဆိုးတန်းပန်ချီခန်းမတွင် သြဂုတ် ၅ ရက်က စတင် ကျင်းပသည်။
ယင်းပွဲကို သြဂုတ် ၅ ရက်မှ ၁၀ ရက် အထိ ကျင်းပသွားမည် ဖြစ်ပြီး ရှုတိုင်းယဉ်စာပေ၊ ရေသောက်မြစ် စာပေတို့၏ ကူညီမှုဖြင့် ‘ ကြိုက်တဲ့စာအုပ်ယူ၊ ကြိုက်သလောက် အလှူငွေထည့် ရေဘေးကူညီရေး ‘ အစီအစဉ် ကို မနက် ၁၀ နာရီမှ ညနေ ၅ နာရီအထိ ပြုလုပ်ခဲ့ခြင်းဖြစ်သည်။
အဆိုပါပွဲတွင် စာရေးဆရာ သွန်းနေစိုးက “စာအုပ် ၁၀ အုပ်ယူယူ တစ်ရာအုပ်ယူ ကြိုက်သလောက်ယူပါ။ အလှူငွေ လည်း သတ်မှတ်မထားဘူး။ တစ်ရာထည့်ထည့် တစ်သောင်း ထည့်ထည့်ရပါတယ်။” ဟု ပြောသည်။
အဆိုပါပွဲအပြင် ကူညီသည့် လူငယ်များကလည်း အလှုခံ ထွက်မည်ဖြစ်ပြီး ရရှိသည့် အလှုငွေများကို ချင်းနှင့် ရခိုင်ပြည်နယ်သို့ သွားရောက်လှူဒါန်းမည်ဖြစ်သည်။
သြဂုတ် ၇ ရက်တွင် ပန်းချီဆရာမောင်မောင်စော၏ ရှစ်လေးလုံး အထိမ်းအမှတ် ပန်ချီပြပွဲ ကျင်းပမည် ဖြစ်သည်ဟုလည်း ပြခန်းတာဝန်ခံ ဆရာမ နေညိုလတ်က ဆိုသည်။
