ဇွန် ၂၆၊ ဝက်ဖို့ဒ်။ ။ ဝက်ဖို့ဒ်အသင်းသည် ဒါဘီကွင်းလယ်ကစားသမား ဝီလ်ဟုချ်ကို ပေါင် ၈ သန်း၊ ငါးနှစ်စာချုပ်ဖြင့် ခေါ်ယူလိုက်သည်။ ဟုချ်သည် ဒါဘီအတွက် ချန်ပီယံရှစ် ၁၆၅ ပွဲကစားပေးထားသည်။
အသက် ၂၂ နှစ်အရွယ်ကစားသမားသည် လက်ရှိတွင် အင်္ဂလန်ယူ-၂၁ အသင်းနှင့်အတူ ဥရောပချန်ပီယံရှစ်ပြိုင်ပွဲကစားရန် ပိုလန်နိုင်ငံသို့ရောက်နေပြီး အင်္ဂလန်သို့ပြန်ရောက်လျှင် ဝက်ဖို့ဒ်အသင်းနှင့်ပူးပေါင်းမည်ဖြစ်သည်။
မေ ၂၇ တွင် နည်းပြသစ်အဖြစ် မာကိုဆေးလ်ဗား ခန့်အပ်ခံရပြီးနောက် ပရီးမီးယားလိဂ်ကလပ်ဝက်ဖို့ဒ်က ပထမဆုံးခေါ်ယူသည့် ကစားသမားလည်းဖြစ်သည်။
ဆေးလ်ဗားသည် ပြီးခဲ့သည့်ရာသီနောက်ဆုံးပွဲမတိုင်မီအသင်းမှထွက်ခွာခဲ့သည့် အီတလီလူမျိုးနည်းပြ မက်ဇာရီ၏နေရာတွင် အစားထိုးခန့်အပ်ခံရသူဖြစ်သည်။ ဝက်ဖို့ဒ်အသင်းသည် ပြီးခဲ့သည့်ရာသီက အဆင့် ၁၇ နေရာသာရခဲ့သည်။
Ref; BBC