ဇွန် ၁၆၊ လီဗာပူးလ်။ ။ အဲဗာတန်အသင်းသည် ဆန်းဒါးလန်းဂိုးသမား ဂျော်ဒန် ပစ်ဖို့ဒ်နှင့် အိုင်းယက်စ်အသင်းခေါင်းဆောင် ကွင်းလယ်လူ ဒါဗိုင်း ကလက်ဆန်တို့ကို ပေါင်သန်း ၅၀ နီးပါးအသုံးပြုခေါ်ယူထားသည်။
ပစ်ဖို့ဒ်အတွက် ပေါင် ၂၅ သန်းပေးခဲ့ရသဖြင့် ဈေးအကြီးဆုံးဗြိတိန်ဂိုးသမားဖြစ်လာခဲ့ပြီး စာချုပ်အရ တန်ဖိုးပေါင်သန်း ၃၀ ထိ မြင့်တက်လာနိုင်သည်။
ကလက်ဆန်အတွက် ပေါင် ၂၃ ဒသမ ၆ သန်းပေးခဲ့ရပြီး ငါးနှစ်စာချုပ်ခဲ့သည်။ အသက် ၂၄ နှစ်အရွယ် နယ်သာလန်ကွင်းလယ် ကစားသမားမှာ အိုင်းယက်စ်နှင့်ပွဲထွက်သည့် ၂၀၁၁ ခုနှစ်မှစ၍ ၁၆၃ ပွဲကစား၊ ၄၉ ဂိုးသွင်းယူပြီး အမှတ်ပေးဖလား သုံးကြိမ်ရ ထားသည်။
အသက် ၂၃ နှစ်အရွယ် အင်္ဂလန်ယူ-၂၁ လက်ရွေးစင်ဂိုးသမားပစ်ဖို့ဒ်သည်လည်း ငါးနှစ်စာချုပ်ချုပ်လိုက်ခြင်းဖြစ်သည်။ “ထိပ်သီး ကလပ်တစ်ခုဖြစ်ပြီး သိပ်ကောင်းတဲ့အခွင့်အရေးလည်းဖြစ်ပါတယ်”ဟု ပစ်ဖို့ဒ်ကဆိုသည်။
ကလက်ဆန်ကလည်း အိုင်းယက်စ်ကိုစွန့်ခွာရခက်သော်လည်း အခွင့်ရေးကောင်းတစ်ခုဖြစ်ခဲ့၍ လှမ်းတက်ခဲ့ခြင်းဖြစ်သည်ဟု ပြောသည်။
Ref; BBC
