ပြည်၊ ဇွန် ၁၅ ။ ။ ပဲခူးတိုင်း ပြည်ခရိုင် ပြည်မြို့တွင် ဇွန်လ ၁၅ ရက်က လျှပ်စစ်ဓါတ်ကြိုး ပြတ်ကျပြီး နွားလေးကောင် သေဆုံးခဲ့ရကြောင်း သိရသည်။
ယနေ့ ဇွန်လ ၁၅ ရက်၊ မနက် ၈ နာရီအချိန်က ပြည်မြို့ ပြည်-အောင်လံ ကားလမ်းမဘေးလျှပ်စစ်ဓာတ်အားဖြန့်ဖြူးရေးလုပ်ငန်း ၆၆/၃၃/၁၁ ကေဗွီ ဓာတ်အားခွဲရုံ ရှေ့တွင် ဓာတ်ကြိုး ပြတ်ကျ ပြီး နွား လေးကောင် သေဆုံးခဲ့ခြင်းဖြစ်သည်။
နွားမှ ဓာတ်တိုင်အရင်းမှ Stay ကြိုးကို တိုက်ချခဲ့ပြီး ကြိုးလျော့သွားခဲ့ကာ လျော့သွားသည့် Stay ကြို း နှင့် ဓာတ်တိုင်မှ ကြေးကြိုး ပွတ်တိုက်မှု ဖြစ်ရာမှ ကြေးကြိုး ပြတ်ကျခဲ့ခြင်း ဖြစ်သည်ဟု ပြည်မြို့နယ်လျှပ်စစ်အင်ဂျင်နီယာ ဦးတင်မြင့်အေးက ပြောသည်။
"ဌာနအနေနဲ့ အားနည်းချက်မရှိဘူး။ ဘယ်လိုပဲဖြစ်ဖြစ် ကာယကံရှင်ကို ပြောပြီးသွားပြီ။ ဒီကိစ္စနဲ့ပတ်သက်ပြီး တောင်းဆိုပါ ။ အပြည့်အဝ ပေးဆပ်မယ်လို့ ပြောထားတယ်"ဟု ၎င်းကဆိုသည်။
သေဆုံးသွားသော နွားများမှာ ရွှေတံခါး မူလ ၁ လမ်းမှ ဒေါ်ချိုပိုင်ဆိုင်သည့် နို့စားနွားမ သုံးကောင် ၊ နွားထီးတစ်ကောင် ဖြစ်ပြီး ကာလတန်ကြေး ငွေကျပ် သိန်း လေးဆယ်ခန့် ရှိသည်ဟုလည်း သိရသည်။