ရန်ကုန်၊ ဇွန်လ ၃ ။             ။ မြန်မာနိုင်ငံကို ရောက်ရှိနေသော ရီးရဲမက်ဒရစ်နှင့် စပိန်တိုက်စစ်မှူးဟောင်းမိုရီယန်တေးစ်သည် ယနေ့ ဇွန်လ ၃ ရက်တွင် ရန်ကုန်ယူနိုက်တက်ဘောလုံးကွင်းသို့ သွားရောက်ကာ အပျော်တမ်း ဘောလုံးကစားခဲ့သည်။

ရန်ကုန်ယူနိုက်တက်နည်းပြအပါအဝင် လူငယ်များနှင့် နှစ်ဘက်ခွဲကစားခဲ့ရာ မိုရီယန်တေးစ်က တစ်ဂိုးသွင်းယူခဲ့သည်။

ထို့အပြင်အပျော်တမ်းဘောလုံးဂိမ်းအချို့ကစားခဲ့ပြီး ဝိုင်းခြင်းခပ်ရာတွင်လည်း မိုရီယန်တေးစ် ပါဝင်ကစားခဲ့သည်။ မိုရီယန်တေးစ်သည် UEFA၏ ချန်ပီယံလိဂ်ပြိုင်ပွဲမြှင့်တင်ရေး အစီအစဉ်တစ်ရပ်အနေဖြင့် Heineken ရဲ့ Champion The Match အတွက် မြန်မာနိုင်ငံကို ဇွန်လ ၂ ရက်က လာရောက်ခဲ့ခြင်းဖြစ်သည်။

ဇွန်လ ၄ ရက် နံနက်အစောပိုင်းတွင် Melia ဟိုတယ်၌ မြန်မာပရိသတ်၁၀၀နှင့်အတူ ဂျူဗင်တပ်နှင့် ရီးရဲလ်မက်ဒရစ်တို့၏ ချန်ပီယံလိဂ် ဗိုလ်လုပွဲကို ကြည့်ရှုအားပေးမည်ဖြစ်သည်။

မိုရီယန်တေးသည် ရီးရဲလ်မက်ဒရစ်တွင် ခြေစွမ်းပြခဲ့ပြီးနောက် လီဗာပူးနှင့်မိုနာကို အသင်းများသို့ ရွှေ့ပြောင်းကစားခဲ့သည်။ ပြီးခဲ့သည့်နှစ်က ချန်ပီယံလိဂ် မြှင့်တင်ရေးအစီအစဉ်အဖြစ်  အာဆင်နယ် ကစားသမားဟောင်း ယွန်ဘက် မြန်မာနိုင်ငံသို့ လာရောက်ခဲ့သည်။