ဆာဘွဲ့ရ ဂျိမ်းစ်ဘွန်းမင်းသားကြီး ရော်ဂျာမိုးဟာ ဒီနေ့ မေ ၂၃ ရက်၊ အသက် ၈၉ နှစ်မှာ သေဆုံးသွားခဲ့ပြီလို့ သူ့မိသားစုတွေက အတည်ပြုပါတယ်။
"ကင်ဆာကို သတ္တိရှိရှိ ရင်ဆိုင်တိုက်ခိုက်သွားခဲ့တယ်လို့ " သူ့ရဲ့ ဆိုရှယ်မီဒီယာအကောင့်မှာ တင်ထားခဲ့တာဖြစ်ပြီး ဆွစ်ဇာလန်မှာ ဆုံးပါးခဲ့တာပါ။
ဗြိတိသျှလျှို့ဝှက်ထောက်လှမ်းရေးအေးဂျင့် ဘွန်းအဖြစ် ၇ ကားရိုက်ကူးခဲ့သလို သူက ယူနီဆက်ဖ်ရဲ့ သံတမန်တစ်ယောက်လည်း ဖြစ်ပါတယ်။
ရော်ဂျာမိုးကို ၁၉၂၇ ခုနှစ်၊ အောက်တိုဘာလ ၁၄ ရက်၊ လန်ဒန်မြို့မှာ မွေးဖွားခဲ့တာပါ။ တော်ဝင်အနုပညာအကယ်ဒမီမှာ ပညာသင်ကြားခဲ့ပြီး ၀၀၇ အတွက် ခေါ်ယူချိန်မှာ ဝင်ရောက်ယှဉ်ပြိုင်ခဲ့ပါတယ်။
၁၉၇၃ ခုနှစ်က စတင်ပြီး Moonranker ၊ A view to Kill ၊ Live and Let Die ၊ The man with the Golden Gun ၊ Octopussy ၊ For Your Eyes Only ၊ The Spy Who love Me ၊ Bonds are Forever ဇာတ်ကားတွေကို ၁၉၈၅ ခုနှစ်အထိ ရိုက်ကူးခဲ့ပါတယ်။
