ဟိန္ဒားသတ္တုတွင်းအကြောင်းရေးသည့် ထိုင်းအခြေစိုက် The Nation သတင်းစာ တရားစွဲခံရခြင်းအပေါ် မြန်မာ၊ ထိုင်း NGOတွေ ကန့်ကွက်

.

(Photo- The Nation)

ရန်ကုန်၊ မေ ၁၅ ။                    ။ မြန်မာနိုင်ငံတွင်း ထိုင်းကုမ္ပဏီတစ်ခုက ဖော်ဆောင်နေသည့် ဟိန္ဒားသတ္တုတွင်း စီမံကိန်းအကြောင်း သတင်းရေးသားသည့် ထိုင်းနိုင်ငံအခြေစိုက် The Nation သတင်းစာနှင့် သတင်းထောက်တို့ကို ပုဒ်မ (၆)ခုဖြင့် တရားစွဲဆိုခြင်းကို ပယ်ဖျက်ပေးရန် ထိုင်းနဲ့ မြန်မာ NGOs အဖွဲ့ (၈၀) ထုတ်ဖော်လိုက်သည်။

ထိုင်းနိုင်ငံပိုင် ဟိန္ဒားသတ္တုတွင်းစီမံကိန်း ဆောင်ရွက်နေသည့် မြန်မာပွန်ပီပက် ကုမ္ပဏီလီမိတက် (MPC) မှ ထိုင်းနိုင်ငံ၏ ရာဇသတ်ကြီးဥပဒေပုဒ်မ၊ ကွန်ပျူတာ နည်းပညာဆိုင်ရာ ပြစ်မှုအက်ဥပဒေ၊ အရအသရေဖျက်မူအပါအ၀င် ဥပဒေပုဒ်မ ၆ခုဖြင့် တရားစွဲဆိုထားခြင်းဖြစ်သည်။

ယင်းသို့ တရားစွဲဆိုခံရခြင်းကို နယ်စည်းမခြား သတင်းထောက်များအဖွဲ့က ဦးဆောင်ကာ လူ့အခွင့်အရေးနဲ့ သဘာဝပတ်ဝန်းကျင် ကာကွယ်ရေးအဖွဲ့အစည်း စုစုပေါင်း ၈၀ က လွတ်လပ်စွာ ထုတ်ဖော်ရေးသားခွင့် ကို ကာကွယ်ပေးရန်၊ အသရေဖျက်မှု ကိုဖျက်သိမ်းပေးရန်၊ လွတ်လပ်စွာသဘောထား အမြင်ကွဲလွဲခွင့်၊ ထုတ်ဖော်ရေးသားပြောဆိုခွင့်တို့အပါအ၀င် ကွန်ပျူတာနည်းပညာဆိုင်ရာပြစ်မှုအက်ဥပဒေတို့ကို နိုင်ငံတကာဥပဒေနှင့်စံချိန်စံ ညွန်းများနှင့်အညီ ပြင်ဆင် ထိန်းညှိပေးရန် ထိုင်းနိုင်ငံအစိုးရကို တောင်းဆိုကြောင်း မေ ၁၁ ရက် တောင်းဆိုထားသည်။

ထိုင်းနိုင်ငံ၏ ရာဇသတ်ကြီးဥပဒေပုဒ်မ အခန်း ၃၂၈ နှင့် ၂၀၀၇ ခုနှစ် ကွန်ပြူတာနည်းပညာဆိုင်ပြစ်မှုအက်ဥပေဒ အခန်း ၁၄ အရ ရာဇ၀တ် ကြောင်းအရ အသရေဖျက်မှု မြောက်ကြောင်း စစ်ဆေးတွေ့ရှိပါက the Nation ၏ သတင်းထောက်သည် ထောင်ဒဏ် ၅ နှစ်၊ ဒဏ်ငွေ အမေရိကန်ဒေါ် လာ ၅၆၀၀ နှင့်ညီမျှသော ထိုင်းဘတ်ငွေ ၂ သိန်း သို့မဟုတ် ဒဏ်နှစ်ရပ်စလုံး ကျခံရနိုင်ကြောင်း သိရသည်။

မြန်မာနိုင်ငံတွင်းလုပ်ကိုင်လျှက်ရှိသည့် ထိုင်းနိုင်ငံပိုင် ဟိန္ဒားသတ္တုတွင်းလုပ်ငန်းကြောင့် သဘာဝပတ်ဝန်းကျင် ထိခိုက်မှုအခြေအနေတွေကို The Nation သတင်းဌာနမှ သတင်းထောက် Pratch Rujivanarom က “မြန်မာပြည်၏ ရေအရင်းအမြစ်ကိုဖျက်ဆီးပစ်လိုက်သည့် ထိုင်းနိုင်ငံမှသတ္တုတွင်း” ခေါင်းစဉ်ဖြင့် ဖော်ထုတ်ရေးသားခဲ့သည်။

၂၀၁၇ ခုနှစ် မတ်လ ၂၀ ရက်တွင် The Nation သတင်းထောက်တစ်ဦးဖြစ်သည့် Mr. Pratch Rujivanarom (ပထမစွပ်စွဲခံရသူ) နှင့် the Nation သတင်းအေဂျင်စီ (ဒုတိယ စွပ်စွဲခံရသူ) တို့ကို မြန်မာပွန်ပီပက် ကုမ္ပဏီ လီမိတက် (MPC)မှ အဆိုပါ ပုဒ်မများဖြင့် တရားစွဲဆိုခဲ့သည်။

မြန်မာပွန်ပီပက်ကုမ္ပဏီဘက်မှ သတင်းထောက် Pratch Rujivanarom နှင့် the Nation သတင်းအေဂျင်စီတို့သည်  တနင်္သာရီတိုင်းဒေသ မြောင်းပြိုကျေးရွာ ရွာသူရွာသားများ၏ အဓိက သောက်သုံးရေဖြစ်သည့် ချောင်းအတွင်းသို့ သတ္တုတွင်းမှ စွန့်ပစ်ရေဆိုးများ တိုက်ရိုက်စွန့် ထုတ်နေမှုနှင့်ပတ်သက်သည့် သတင်းကို ရေးသားတင်ပြရာတွင် ကုမ္ပဏီ၏ ဂုဏ်သတင်းကို ထိခိုက်စေသည်ဟု အခိုင်အမာပြောဆိုထားသည်။

သတင်းထောက် Pratch Rujivanarom နှင့် the Nation သတင်းအေဂျင်စီတို့အပေါ်တွင် စွဲဆိုချက်များနှင့် ပြစ်ဒဏ်များသည် ရာဇဝတ်ဆိုင်ရာ ဥပဒေအရ အလွန်တရာများပြားကြီးမားလျှက်ရှိပြီး လွတ်လပ်စွာထုတ်ဖော်ပြောဆိုခွင့်ကို ချိုးဖောက်ရာရောက်ကြောင်းလည်း အဆိုပါထုတ်ပြန်ချက်တွင် ပါရှိသည်။

စွဲဆိုချက်များနှင့် ပြစ်ဒဏ်များသည် ရာဇ၀တ်ဆိုင်ရာဥပဒေအရ အလွန်တရာများပြားကြီးမားလျှက်ရှိပြီး ၄င်းမှာ လွတ်လပ်စွာထုတ်ဖော်ပြောဆိုခွင့်ကို ချိုးဖောက်ရာရောက်ပြီး
လွတ်လပ်စွာ ထုတ်ဖော်ပြောဆိုခွင့်ကို ရာဇ၀တ်ကြောင်းအရတရားစွဲဆိုခြင်းသည် သတင်းမီဒီယာနှင့် သဘာဝပတ်ဝန်းကျင်ဆိုင်ရာ အရေးကိစ္စများကိုသာမက အဆိုပါအရေးကိစ္စအပေါ်တွင် လူထု၏စိတ်ဝင်စားမှုရရှိအောင် ထုတ်ဖော်ရေးသားပေးလျှက်ရှိသော လူ့အခွင့်အရေးအကာအကွယ်ပေးသူများကို ကြောက်လန့်အောင် ခြိမ်းခြောက်သည့်သဘောကို သက်ရောက်စေပါသည်ဟု လူမှုအဖွဲ့အစည်းများ၏ ကန့်ကွက်စာတွင် ရေးသားထားသည်။