ကြက်မောက်ပင် စနစ်စကျ စတင်စိုက်ပျိုးခြင်း

15 May 2017
ကြက်မောက်ပင် စနစ်စကျ စတင်စိုက်ပျိုးခြင်း

ကြက်မောက်ပင်ရဲ့ မူရင်းဒေသကတော့ မလေးရှားနိုင်ငံကပဲဖြစ်ပါတယ်။ အစေ့ကပ်မျိုးနဲ့အခွံကျွတ်မျိုး ဆိုပြီးနှစ်မျိုးရှိပါတယ်။

ပူနွေးစွတ်စိုတဲ့ ရာသီဥတုမျိုးကိုကြိုက်နှစ်သက်ပြီးတော့ ရေမဝပ်တဲ့မြေမျိုးတွေမှာ စိုက်ပျိုးဖြစ်ထွန်းပါတယ်။

အခုကျွန်တော်တို့အဖွဲ့သားတွေက ဘီးလင်းမြို့နယ်ဇုတ်သုပ်ကျေးရွာမှာရှိတဲ့ ကြက်မောက်ခြံကိုရောက်ရှိနေပြီး ကြက်မောက်စိုက်ပျိုးရေးအကြောင်းကို ရိုက်ကူးတင်ဆက်ပေးသွားမှာပဲ ဖြစ်ပါတယ်ခင်ဗျာ။

ကြက်မောက်ပင်ကိုတော့ အစေ့က စိုက်ပျိုးခြင်းနဲ့ ကိုင်းဆက်မျိုးပွား စိုက်ပျိုးခြင်းတို့ဖြင့် စိုက်ပျိုးနိုင်ပါတယ်။ ပျိုးပင်တနှစ်သားကို စိုက်ခင်းမှာရွှေ့ပြောင်းစိုက်ပျိုးရမှာဖြစ်ပါတယ်။ အနက် ၂ပေ အကျယ်၂ပေရှိတဲ့ ကျင်းတွေကို တကျင်းနဲ့တကျင်းကို ၁၅ပေခန့်ခွာပြီး တြိဂံ ပုံစနစ်နဲ့ စိုက်ပျိုးပေးရမှာပဲဖြစ်ပါတယ်။ စိုက်ကျင်းတွေမှာ မြေဆွေးတွေကိုထည့်ပြီး မိုးဦးကျကာလမှာ   ပြောင်းရွှေ့ စိုက်ပျိုးပေးရမှာဖြစ်ပါတယ်။

ပြောင်းရွှေ့စိုက်ပျိုးပြီး ၁ နှစ်သားအကြာမှာတော့ မိုးဦးကာလမှာတကြိမ်၊ မိုးနှောင်းကာလမှာတကြိမ် မြေသြဇာများကျွေးပေးရမှာဖြစ်ပါတယ်။

(ဆက်လက်ဖော်ပြပါမည်)

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly