မတ် ၁၄၊ စပိန် ။           ။ ရီးယဲလ်နောက်ခံကစားသမား ဆာဂျီယိုရာမို့စ်သည် လာလီဂါပြိုင်ပွဲတွင် မက်ဆီနှင့်စီရော်နယ်ဒိုတို့ပြီးနောက် အသင်းအတွက် အမှတ်အများဆုံးရယူပေးနိုင်သည့် ကစားသမားအဖြစ် မှတ်တမ်းဝင်လျက်ရှိသည်။

ချန်ပီယံလိဂ်ဗိုလ်လုပွဲ၊ စူပါဖလားပွဲနှင့် အမှတ်ပေးပွဲများတွင် အဆုံးအဖြတ်ဂိုးများသွင်းယူပေးနိုင်ခဲ့သည့် ရာမို့စ်သည် နောက်ခံလူတစ်ဦးဖြစ်သော်လည်း ယခုနှစ်ရာသီတွင် ရီးယဲလ်အသင်းအတွက် သွင်းဂိုး ၁၀ ဂိုးအထိသွင်းယူပေးထားနိုင်ပြီး လာလီဂါပြိုင်ပွဲတွင် ရ ဂိုးသွင်းယူထားသည်။

ရာမို့စ်သည် ရီးယဲလ်အသင်းအတွက် ယခုနှစ်ရာသီတွင် ရမှတ် ၈ မှတ် ရယူပေးထားသည်။ အသင်းဖော် စီရော်နယ်ဒိုနှင့် ဘာစီလိုနာတိုက်စစ်မှူး မက်ဆီတို့မှာ ၎င်းတို့၏ အသင်းများအတွက် ရမှတ် ၉ မှတ်ရယူထားနိုင်ကြပြီး ရာမို့စ်ထက် အမှတ်ပိုရယူပေးနိုင်သည့် ကစားသမားများ ဖြစ်သည်။

ရာမို့စ်၏ စွမ်းဆောင်ရည်မှာ အက်သလက်တီကို တိုက်စစ်မှူး ဂရစ်ဇ်မန်းနှင့် ဘီလ်ဘာအိုတိုက်စစ်မှူး အဒူရစ်တို့၏ စွမ်းဆောင်ရည်နှင့်တူညီလျက်ရှိသည်။

ဗီလာရီးယဲလ်၊ ဒီပို့တီဗို၊ ဘာစီလိုနာ၊ မာလာဂါ၊ ဘက်တစ်တို့နှင့် ကစားခဲ့သည့် လာလီဂါပွဲစဉ်များတွင် ရာမို့စ်၏ သွင်းဂိုးများမှာ အဆုံးအဖြတ်ဖြစ်ခဲ့သည်။

ရည်ညွှန်း မာကာ