ရှေ့တန်းတိုက်စစ်မှူး ရော်နယ်လ်ဒိုဟာ စနေနေ့မှာ ကစားမယ့် ရီးယဲလ်မက်ဒရစ်ရဲ့ လိဂ်ပွဲစဉ် အီဘာနဲ့ ပွဲကို လွဲချော်မယ်လို့ ဆိုပါတယ်။
ဗုဒ္ဓဟူးနေ့က ရီးယဲလ်က လက်စ်ပါမားစ်အသင်းကို ၃-၃ဂိုးနဲ့ သရေကျတဲ့ပွဲမှာ ၂ ဂိုးသွင်းခဲ့တဲ့ ၂၀၁၆ ကမ္ဘာ့အကောင်းဆုံး ကစားသမားဟာ သောကြာနေ့မှာ အသင်းနဲ့အတူ လေ့ကျင့်ခန်း မပြုလုပ်ခဲ့ဘူးလို့ သိရပါတယ်။
ရီးယဲလ်အသင်းဟာ ပွဲပယ်ပြစ်ဒဏ်ခံထားရတဲ့ ဂါရတ်ဘေးလ်နဲ့ မိုရာတာတို့ နှစ်ဦးကိုလည်း လက်လွှတ်ရအုံးမှာဖြစ်ပါတယ်။
နည်းပြ ဇီဒန်းက "ရော်နယ်လ်ဒိုဟာ ၁၀၀ ရာခိုင်နှုန်း ကြံ့ခိုင်မှုရှိတယ်လို့ မခံစားရတာကြောင့် ဒီကနေ့ လေ့ကျင့်ခန်း မဆင်းခဲ့တာဖြစ်ပါတယ်"လို့ အစောပိုင်း ပြောပါတယ်။
ရီးယဲလ်ဟာ အမှတ်ဇယားဦးဆောင်သူ ဘာစီလိုနာရဲ့နောက် ၁ မှတ်အကွာ လက်ကျန်တစ်ပွဲကစားဖို့ရှိသေးတဲ့ အနေအထားနဲ့ ဒုတိယနေရာမှာ ရှိနေပါတယ်။ ဘာစီလိုနာကတော့ စနေနေ့နှောင်းပိုင်းမှာ ဆယ်လ်တာဗီဂိုကို အိမ်ကွင်းမှာ လက်ခံကစားမှာဖြစ်ပါတယ်။
Ref; BBC Sports