မြန်မာကျပ်ငွေတန်ဖိုးမှာ အစိုးရက ငွေတန်ဖိုးကျလာခြင်း ရပ်သွားအောင် ကြိုးစားနေသည့်ကြား ဒေါ်လာနဲ့ယှဉ်လျှင် ဇူလိုင် ၂၀ ရက်ဈေးနှုန်းတွင် ထပ်မံကျဆင်းခဲ့ကြောင်း သည်နေးရှင်းသတင်းတွင် ဇူလိုင် ၂၀ ရက်က ဖော်ပြသည်။
ဗဟိုဘဏ်က တရားဝင်ငွေလဲနှုန်းကို တစ်ဒေါ်လာလျှင် မြန်မာငွေ ၁၂၃၀ ကျပ် သတ်မှတ်ခဲ့ရပြီး ၂၀၁၂ ဧပြီမှ စတင်ကာ တရားဝင်ငွေလဲလှယ်နှုန်းပြုပြင်ပြောင်းလဲသတ်မှတ်မှုများလုပ်ခဲ့စဉ်မှစ၍ ၅၀ ရာခိုင်နှုန်းနီးပါး တန်ဖိုးကျဆင်းနေခြင်းဖြစ်သည်။
ပြင်ပပေါက်ဈေးတွင်မူ တစ်ဒေါ်လာလျှင် ၁၃၀၀ ခန့် ဈေးပေါက်လျက်ရှိကြောင်း၊ ယင်းနှုန်းထားသည် ၂၀၀၇ ခုနှစ်က ပြင်ပဈေးတွင် ဒေါ်လာအရောင်းအဝယ်ဖြစ်ခဲ့သည့် နှုန်းထားသို့ ရောက်ရှိနေခြင်းဖြစ်ကြောင်း သတင်းတွင် ဖော်ပြသည်။
