ဒီဇင်ဘာ ၂၈ ။ ။ နိုင်ငံတော်အတိုင်ပင်ခံပုဂ္ဂို လ် အား လူမှုကွန်ယက်ဖေ့ဘွတ်ခ်ပေါ်တွင် ဆဲဆိုရေးသားခြင်း၊ လူမျိုးရေး ဘာသာရေး မုန်းတီးမှုများ ရေးသားဖြန့်ဝေခြင်းများကြောင့် ဆက်သွယ်ရေးပုဒ်မ ၆၆(ဃ)ဖြင့် အရေးယူတရားစွဲဆိုခြင်း ခံရသော မကွေးတိုင်းဒေသကြီး စလင်းမြို့ စီမံကိန်းဦးစီးဌာန ဒုဦးစီးမှူး ဦးထွန်းမင်းလတ်အား ယနေ့ ဒီဇင်ဘာ (၂၈)ရက်နေ့ စလင်းမြို့နယ်တရားရုံးမှ ထောင်ဒဏ်(၆)လ ချမှတ်ခဲ့ကြောင်း သိရှိရသည်။
စလင်းမြို့၊ စီမံကိန်းဦးစီးဌာနတွင် ဒုဦးစီးမှူ း တာဝန် ထမ်းဆောင်လျက်ရှိသော ဦးထွန်းမင်းလတ်သည် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ၂၀၁၆ ဇွန်လ (၁၈) ရက်နေ့တွင် ထွန်းမင်းလတ် အကောင့်ဖြင့် ဆဲဆိုရေးသားခြင်း ၊ လူမျိုးရေး ဘာသာရေး မုန်းတီးမှုများ ရေးသားခြင်း ဖြန့်ဝေခြင်းများ လုပ်ဆောင်နေ၍ တာဝန်သိ ပြည်သူတစ်ဦးမှ စလင်းမြို့မရဲစခန်းတွင် အမှုဖွင့် တိုင်ကြားခဲ့ကြောင်း သိရသည်။
အဆိုပါရေးသားခြင်းအား တာဝန်သိ ပြည်သူတစ်ဦးဖြစ်သော စလင်းမြို့နယ် အင်ကြင်းပင်လှ ကျေးရွာအုပ်စု ဂွင်းကျင်းကျေးရွာနေ ကိုအေးမင်းစိုးမှ စလင်းမြို့မရဲစခန်းတွင် ၂၀၁၆ ဇွန်လ(၃၀) ရက်နေ့က တိုင်ကြားခဲ့ခြင်း ဖြစ်သည်။
" နိုင်ငံတာဝန်ထမ်းဆောင်ဆဲ ဝန်ထမ်းဖြစ်ပါလျက် နိင်ငံတော်ဖွံ့ဖြိုးတိုးတက်ရေး ရပ်ရွာအေးချမ်းသာယာရေး တရားဥပဒေ စိုးမိုးရေး နှောက်ယှက် ဟန့်တားစေတဲ့ အရေးအသားတွေ ရေးသားသူ ဖြစ်တာကြောင့် တာဝန်သိ ပြည်သူတစ်ယောက်အနေနဲ့ ပြည်သူ့အကျိုးအတွက် ပြည်သူကိုချစ်လို့ အခုလို တိုင်ကြားရတာပါ ။ပြည်သူတင်တဲ့ အစိုးရနဲ့ ပြည်သူ့ဝန်ထမ်းတွေ၊ တိုင်းပြည်အတွက် တက်ညီလက်ညီ ဆောင်ရွက်စေချင်ပါတယ်" ဟု တိုင်ကြားသူ ကိုအေးမင်းစိုးကပြောသည်။
