၂၀၁၆ခုနှစ်ဟာပြီးဆုံးတော့မှာဖြစ်တဲ့အတွက် Youtube ၀က်ဘ်ဆိုက်ဟာသူတို့ရဲ့တစ်နှစ်တာလူအကြည့်အများ ဆုံးသီချင်းဗွီဒီယိုများကို ကြေညာခဲ့ပါသည်။ ဒါကြောင့် Youtube ၀က်ဘ်ဆိုက်မှနေ၍ ၂၀၁၅နိုင်ဝင်ဘာလ ၂၄မှ ၂၀၁၆ နိုဝင်ဘာ ၂၃ ရက်အတွင်း လူအကြည့်အများ ကေပေါ့ပ်သီချင်းဗွီဒီယိုများကို စာရင်းပြုစုခဲ့ပြီး ထိပ်ဆုံးမှ လူကြည့်အများဆုံး သီချင်းဗွီဒီယိုဆယ်ခု ကို ထုတ်ပြန်ခဲ့ပါသည်။ ထိုသီချင်းဆယ်ပုဒ်ကတော့

1.  “DADDY” – PSY
2. “CHEER UP” – TWICE
3. “FIRE” – BTS
4. “Monster” – EXO
5. “TT” – TWICE
6. “BOOMBAYAH” – BLACKPINK
7. “Blood, Sweat, and Tears” – BTS
8. “Whistle” – BLACKPINK
9. “Save ME” – BTS
10. “Lotto” – EXO တို့ပဲဖြစ်ကြပါသည်။

ပထမနေရာမှ အဆိုတော် PSY ရဲ့ DADDY သီချင်းဟာ ကြည့်ရှုသူ သန်း၂၀၀ကျော်ခဲ့ပြီး ဒါဟာအဆိုတော်ရဲ့ ပြီးခဲ့တဲ့၂နှစ်နဲ့ ရလအတွင်းမှာထွက်ရှိခဲ့တဲ့ပထမဦးဆုံးသောသီချင်းတစ်ပုဒ်ဖြစ်ပါသည်။ ဒုတိယနေရာကအမျိုး သမီးအဆိုတော်အဖွဲ့ TWICE ကတော့ ထိပ်ဆုံးဆယ်နေရာမှာ “CHEER UP” နှင့် “IT” သီချင်းတို့ဖြင့် နှစ်နေရာ စာပါ၀င်ထားပါသည်။ အဖွဲ့အသစ် BLACKPINK ကလည်း သူတို့ရဲ့ပွဲဦးထွက်သီချင်းဖြစ်တဲ့ “BOOMBAYAH” နှင့် “WHISTLE” သီချင်းတို့ဖြင့် ထိပ်ဆုံးဆယ်နေရာတွင်းမှ နံပါတ် ၆နေရာနှင့် နံပါတ် ၈ နေရာကိုရယူထားပါသည်။

BTS အဖွဲ့ကတော့ သူတို့ရဲ့ဒုတိယမြောက် သီချင်းအယ်လ်ဘမ်ထဲမှ သီချင်းတွေဖြစ်တဲ့ “FIRE”၊ “ Blood, Sweat, and Tears” နှင့် “Save Me” စတဲ့သီချင်းသုံးပုဒ်ဖြင့် နံပါတ်၃ နေရာ၊နံပါတ် ရ နေရာနှင့် နံပါတ် ၉ နေရာတို့ကို ရရှိ ထားပါသည်။ မြန်မာပရိတ်သတ်များရဲ့အသည်းစွဲ EXO အဖွဲ့ကလည်း သူတို့ရဲ့ သီချင်း “Monster” နှင့် “ Lotto” တို့ဖြင့် ဇယားပေါ်မှာ နံပါတ်၄နေရာနှင့် နံပါတ် ၁၀ နေရာကို အသီးသီးရယူထားပါသည်။