အခုလာမယ့် ဒီဇင်ဘာလ ၂၁ ရက်နေ့မှာ မြန်မာနိုင်ငံရဲ့ စတုတ္ထမြောက် တယ်လီဖုန်းဆက်သွယ်ရေးအော်ပရေတာအဖြစ် ရွေးချယ်ထားပြီးဖြစ်တဲ့ ဗီယက်နမ်က ဗီယက်တယ်(လ)တယ်လီကွန်းကို လုပ်ငန်းလုပ်ကိုင်ခွင့် လိုင်စင်ချပေးတော့မယ် ဆိုပြီး နီးစပ်ရာအသိုင်းအဝိုင်းကနေ သတင်းထွက်ပေါ်နေပါတယ်။
ဗီယက်တယ်(လ) အနေနဲ့ မြန်မာက ရတနာပုံတယ်လီပို့ အပါအဝင် ပြည်တွင်းကုမ္ပဏီ ၁၁ ခုနဲ့ ဖွဲ့စည်းထားတဲ့ မြန်မာအမျိုးသား တယ်လီကွန်း အများပိုင်ဟိုးဒင်း လီမိတက်နဲ့ ၄၉-၅၁ ရာခိုင်နှုန်းအချိုးနဲ့ အစုစပ်လုပ်ကိုင်မှာဖြစ်တယ်လို့သိရပါတယ်။ လက်ရှိအချိန်မှာ မြန်မာ့ဆက်သွယ်ရေးလုပ်ငန်းအတွင်း MPT ၊ အူရီဒူး၊ တယ်လီနော စတဲ့ ဆက်သွယ်ရေးလုပ်ငန်း ၃ ခုက ရင်းနှီးမြှုပ်နှံထားပြီးဖြစ်ပါတယ်။
