ဒီလအစောပိုင်းက အီးဟတ်ကွင်းမှာ ပရီးမီးယားလိဂ်ပွဲစဉ်အဖြစ် ကစားခဲ့တဲ့ ပွဲစဉ်အတွင်း နှစ်ဖက်ကစားသမားများ ရုန်းရင်း ဆန်ခတ်မှုတွေဖြစ်ပွားခဲ့ပြီးနောက် ချယ်လ်ဆီးအသင်းက ဒဏ်ငွေ ပေါင် ၁၀၀,၀၀၀ နှင့် မန်စီးတီးက ပေါင် ၃၅,၀၀၀ အသီးသီး ပေးဆောင်ရမယ်လို့ သိရှိရပါတယ်။
မန်စီးတီး ကစားသမား အဂွဲရိုးက ဒေးဗစ်လုခ်ကို ဖြတ်ထုတ်ရာမှ ကြမ်းတမ်းခဲ့တဲ့အတွက် အထုတ်ခဲ့ရပြီးနောက် ချယ်လ်ဆီးအသင်းက ၃-၁ ဂိုးနဲ့ အနိုင်ရတဲ့ ပွဲအပြီးမှာ နှစ်ဖက် ကစားသမားကို ထိန်းချုပ်မှု အားနည်းခဲ့တာကြောင့် အက်ဖ်အေက အခုလို ဒဏ်ငွေ ရိုက်ခံခဲ့ရတာဖြစ်ပါတယ်။
ချယ်လ်ဆီးနောက်ခံလူ ဒေးဗစ်လုဇ်ကို ကြမ်းတမ်းစွာ တားဆီးခဲ့တဲ့ အဂူရိုဟာ (၄)ပွဲ ပွဲပယ်ပြစ်ဒဏ်ချမှတ် ခံရသလို အသင်းဖော် ဖာနန်ဒင်ဟိုမှာလည်း ဖာဘရီဂတ်စ်ကို လိုက်ခံရန်ရှာခဲ့တဲ့အတွက် ၃ ပွဲ ပွဲပယ်ပြစ်ဒဏ်ချမှတ်ခံရပါတယ်။
အစောပိုင်း သတင်းတွေအရ ချယ်လ်ဆီးအသင်းမှာ ရမှတ် ၁ မှတ် လျော့ခံရဖို့ ရင်ဆိုင်ရဖွယ်ရှိတယ်ဆိုတဲ့ သတိပေးမှုတွေလည်းရှိခဲ့ပါတယ်။
ပရီးမီးယားလိဂ် အမှတ်ပေးဇယားမှာ ဦးဆောင်နေတဲ့ ချယ်လ်ဆီးအသင်းဟာ ၎င်းတို့ရဲ့ ကစားသမားတွေကို ထိန်းချုပ်မှု ပျက်ကွက်မှုအတွက် ၂၀၁၅ ခုနှစ် ဖေဖော်ဝါရီလကနေစလို့ ဒဏ်ငွေ ၆ ကြိမ်အရိုက်ခံခဲ့ရပါတယ်။
ဆက်စပ်သတင်း - ကစားသမားများရဲ့ အပြုအမှုများအတွက် မန်စီးတီးနှင့် ချယ်လ်ဆီးတို့ ပြစ်ဒဏ် ချမှတ်ခံရ
Ref; BBC Sports
