အမေရိကန် မင်းသားကြီး Steven Seagal အား ရုရှားနိုင်ငံသား ပေးလိုက်ကြောင်း ရုရှားအစိုးရက သတင်းထုတ်ပြန်လိုက်သည်။
၁၉၉၀ ပြည့်လွန်နှစ်များက ဟောလိဝု အက်ရှင်ဇာတ်ကားများတွင် သရုပ်ဆောင်ခဲ့သည့် သိုင်းပညာ ကျွမ်းကျင်သူ မင်းသားကြီး Steven Seagal အား ရုရှားနိုင်ငံသားအဖြစ် အသိအမှတ်ပြု ချီးမြှင့်သည့် အမိန့်ကို ရုရှားသမ္မတ ပူတင် က လက်မှတ်ရေးထိုးခဲ့သည်။
အက်ရှင်မင်းသားကြီး Seagal သည် မစ္စတာပူတင်၏ မိတ်ဆွေတစ်ဦးဖြစ်သည်။ ပူတင်သည် ကမ္ဘာ့ အကြီးမြတ်ဆုံး ခေါင်းဆောင်များထဲမှ တစ်ဦး ဖြစ်သည်ဟု မင်းသားကြီး Seagal က ပြောခဲ့ဖူးသည်။
Seagal သည် ရုရှားနိုင်ငံအပေါ် နွေးထွေးသည့် သဘောထားရှိသူဖြစ်ကာ၊ နာမည်ကျော် မင်းသားတစ်ဦးလည်း ဖြစ်သည့်အတွက် သူ့အား ရုရှားနိုင်ငံသားအဖြစ် အသိအမှတ်ပြု ချီးမြှင့်ခဲ့ခြင်းဖြစ်ကြောင်း မစ္စတာပူတင်၏ ပြောရေးဆိုခွင့်ရှိသူတစ်ဦးက ပြောခဲ့သည်။