မြောက်ကိုရီးယား ရေဘေးအတွက် တရုတ်က ယွမ် သန်း ၂၀ ပေး

မြောက်ကိုရီးယား ရေဘေးအတွက် တရုတ်က ယွမ် သန်း ၂၀ ပေး

ပေကျင်း၊ နိုဝင်ဘာ ၂ ။                       ။ မြောက်ကိုရီးယားတွင် ဖြစ်ပွားခဲ့သည့် ရေကြီးမှုကြောင့်  ပျက်စီးဆုံးရှုံးခဲ့မှုများအတွက် လူသားချင်း စာနာထောက်ထားမှုအဖြစ် ယွမ်သန်း ၂၀ ပေးသွားမည်ဟု တရုတ်ကူးသန်းရောင်းဝယ်ရေး ဝန်ကြီးဌာနက နိုဝင်ဘာ ၂ ရက်တွင် ထုတ်ပြန်ပြောကြားသည်။

သြဂုတ်လကုန်နှင့် စက်တင်ဘာလ အစောပိုင်းအတွင်း မိုးသည်းထန်စွာ ရွာသွန်းပြီး ရေကြီးမှုကြောင့် လူ ၁၃၃ ဦးထက်မနည်း သေဆုံးကာ ခြောက်သိန်းခန့် ရေကြီးမှုဒဏ် ကြုံတွေ့ခဲ့ရသည်။

ယင်းဖြစ်စဉ်အတွက်  အလှူငွေများ လှူဒါန်းကြရန် တောင်းဆိုခဲ့သော်လည်း နိုင်ငံတကာ အသိုင်းအဝိုင်း၏ တုန့်ပြန်မှုမှာ စိတ်ပျက်စရာကောင်းကြောင်း မြောက်ကိုရီးယား ကြက်ခြေနီအဖွဲ့က ပြောကြားသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required