ဆိုးလ် ၊ အောက်တိုဘာ ၂၄ ။ ။ တောင်ကိုရီးယား အဆိုတော် Psy က မဝေးတော့သည့် အနာဂတ်တွင် တေးသီချင်းသစ် ဖြန့်ချိသွားမည်ဖြစ်ကြောင်း Star News အွန်လိုင်းသတင်းဌာန အောက်တိုဘာ ၂၄ရက်တွင် သတင်းထုတ်ပြန်သည်။
“ Psy ဟာ တေးသီချင်းသစ်အတွက် ပြင်ဆင်မှုတွေ လုပ်ဆောင်နေပါတယ်။ တေးသီချင်းသစ်ထွက်ရှိမယ့် ရက်ကို ယခုအချိန်ထိ မဆုံးဖြတ်ရသေးပါဘူး”ဟု YG အင်တာတိန်းမန့်၏ ပြောကြားချက်ကို ကိုးကား၍ Star News အွန်လိုင်းသတင်းဌာန က ပြောကြားသည်။
Psy သည် တေးသီချင်းသစ်အတွက် မကြာသေးမီက တေးဂီတဗီဒီယို ရိုက်ကူးခဲ့ကြောင်း သတင်းအရင်းမြစ်က ပြောကြားသည်။
Psy ၏ သတ္တမမြောက် တေးအယ်လ်ဘမ် “Chiljip Psy-da” ထွက်ရှိခဲ့ပြီး နောက်ပိုင်း အဆိုပါ တေးသီချင်းသစ်သည် အသက် ၃၈ နှစ်အရွယ်ရှိ Psy၏ နောက်ဆုံးတေးသီချင်းဖြစ်လာမည်ဖြစ်သည်။ Psyသည် ၂၀၁၂ ခုနှစ်က ၎င်း၏ ဆဌမမြောက် တေးအယ်လ်ဘမ် “Psy 6 ”မှ “Gangnam Style” တေးသီချင်းထွက်ရှိပြီးနောက် ကမ္ဘာတစ်ဝန်းမှ ပရိတ်သတ်များ၏ အားပေးမှုကိုရရှိခဲ့ပြီး အောင်မြင်မှုများ ရရှိခဲ့သည်။