ရီးယဲလ်မက်ဒရစ်အသင်း ညာတောင်ပံကစားသမား လူးကပ်ဗာကွက်ဇ်ရဲ့ အေးဂျင့်ဖြစ်သူ ကာဗာဟယ်ဟာ ရီးယဲလ်နဲ့ သူရဲ့ကစားသမားတို့ ၂၀၂၂ ခုနှစ်အထိ သက်တမ်းရှိတဲ့ စာချုပ်သစ်တစ်ရပ် ချုပ်ဆိုဖို့ သဘောတူညီမှု ရရှိခဲ့ပြီဖြစ်ကြောင်း စပိန်တီဗွီသတင်းဌာန Cuatro က ဖော်ပြသွားပါတယ်။
လူးကပ်ဗာကွက်ဇ်ဟာ ဇီဒန်းလက်အောက်မှာ တိုးတက်လာမှုကို ပြသနိုင်တာကြောင့် လက်ရှိ စာချုပ်ကို (၂) နှစ်တိုးပြီး ချုပ်ဆိုခံခဲ့ရတယ်လို့ ဆိုပါတယ်။
ဇီဒန်းရဲ့ ယုံကြည်မှုကို ရရှိနေတဲ့ ဗာကွက်ဇ်ဟာ ပုံမှန်ခြေစွမ်းပြသနေပြီး ဒီရာသီမှာ လာလီဂါ ၇ ပွဲ၊ ချန်ပီယံလိဂ် ၂ ပွဲနှင့် ယူအီးအက်ဖ်အေ စူပါဖလား ဖိုင်နယ်ပွဲအပါအဝင် စုစုပေါင်း (၁၀) ပွဲ ပွဲထွက် ပါဝင်ကစားပေးထားခဲ့သူဖြစ်ပါတယ်။
ရီးယဲလ်လူငယ်အသင်းမှ ဗာကွက်ဇ်ဟာ ၂၀၁၄ ခုနှစ်က အက်စပန်ညိုအသင်းဆီ အဌားချထားခံရပြီးနောက် ရီးယဲလ်အသင်းကို ပြီးခဲ့ရာသီက အသင်းဆီ ၅ နှစ် စာချုပ် ချုပ်ဆိုပြီး ပြန်လည် ရောက်ရှိလာခဲ့ပါတယ်။
Ref; AS