မိမိတို့ကို ဆက်လက် ခြိမ်းခြောက်နေမည် ဆိုပါက နျူလက်နက်များ ထုတ်သုံးရလိမ့်မည်ဟု မြောက်ကိုရီးယားက အမေရိကန်ကို သတိပေး

မိမိတို့ကို ဆက်လက် ခြိမ်းခြောက်နေမည် ဆိုပါက နျူလက်နက်များ ထုတ်သုံးရလိမ့်မည်ဟု မြောက်ကိုရီးယားက အမေရိကန်ကို သတိပေး

အောက်တိုဘာ ၁၇ ။           ။ အမေရိကန်တို့အနေဖြင့် မိမိတို့နိုင်ငံအပေါ် ခြိမ်းခြောက် ဖိအားပေးလိုသည့် သဘောဆောင်သော လုပ်ဆောင်မှုများ ထပ်လုပ်နေဦးမည်ဆိုပါက  မိမိတို့ဘက်မှ ကြိုတင် လက်ဦးမှုယူကာ နျူကလီးယားလက်နက်ဖြင့် တိုက်ခိုက်ရလိမ့်မည် ဖြစ်ကြောင်း မြောက်ကိုရီးယားတို့က သတိပေးသွားသည်။ အလားတူ နောက်ထပ် နျူစမ်းသပ်မှုများ ထပ်လုပ်ကောင်း လုပ်နိုင်ကြောင်းလည်း ပြုံယမ်းအာဏာပိုင်များက ပြောကြားသွားသည်။

" ခုချိန်မှာ အမေရိကန်က ကျွန်တော်တု့ိရဲ့ ကမ်းရိုးတန်းအပြင်ဘက်မှာ နျူလက်နက်တွေ ချထားတာတွေရှိပါတယ်၊ ကျွန်တော်တို့ နိုင်ငံ၊ ကျွန်တော်တို့ မြို့တော်နဲ့ ကျွန်တော်တို့ ခေါင်းဆောင် ကင်ဂျုံအန်းတို့ကို ပစ်မှတ်ထားနေလျက်ရှိပါတယ်" ဟု ပြုံးယမ်းအစိုးရ၏ ထိပ်တန်းအရာရှိကြီးတစ်ဦးဖြစ်သော လီယုံဖီလ်က ပြောသည်။

" အမေရိကန်ဘက်က ကျွန်တော်တို့ကို နျူလက်နက်နဲ့ ဆက်လက်ခြိမ်းခြောက်နေသမျှ ကာလပတ်လုံး ကျွန်တော်တို့ နောက်တွန့်သွားမှာ မဟုတ်ပါဘူး" ဟု မြောက်ကိုရီးယား နိုင်ငံခြားရေးဝန်ကြီးဌာန၏ အမေရိကန်လေ့လာမှုရေးရာဌာန ဒါရိုက်တာ လီက ပြောသည်။

" သူတို့ဘက်က ကျွန်တော်တို့ကို ခြိမ်းခြောက်နေမယ်ဆိုရင် ကျွန်တော်တို့ဘက်ကအရင် ဒီလက်နက်တွေနဲ့ ထုတ်တိုက်ရပါလိမ့်မယ်၊ ကျွန်တော်တို့မှာ နည်းပညာရှိပါတယ်" ဟု ၎င်းက ပြောသည်။

မြောက်ကိုရီးယား၏ လက်ရှိခေါင်းဆောင် ကင် လက်ထက်တွင် ထိုကဲ့သို့သော ထုတ်ဖော်ခြိမ်းခြောက်မှုမျိုးမှာ မကြာခဏဆိုသလို ကြားသိနေရသော်လည်း ၎င်းတို့ထံတွင် အမေရိကန်ဆီကို   ရောက်နိုင်စွမ်းသော လက်နက်များ ပိုင်ဆိုင်ထားခြင်းမရှိသေးဟု အမေရိကန်တာဝန်ရှိသူများက ယုံကြည်ထားကြသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly