ကမ္ဘာ့ပထမဆုံး စားပွဲတင်တင်းနစ်နည်းပြ စက်ရုပ်

ကမ္ဘာ့ပထမဆုံး စားပွဲတင်တင်းနစ်နည်းပြ စက်ရုပ်
(ဓာတ်ပုံ - အီးပီအေ)

ကမ္ဘာ့ပထမဆုံး စားပွဲတင်တင်းနစ် နည်းပြ စက်ရုပ် FORPHEUS ဟာ (၂.၇) မီတာ ရှိပြီး ပင့်ကူပုံသဏ္ဌာန် ခြေထောက် သုံးချောင်းပါရှိပါတယ်။ ၎င်းစက်ရုပ်ဟာ ဂင်းနစ်စံချိန်တင်လက်မှတ်ကိုလည်း လက်ခံရရှိခဲ့တယ်လို့ သိရပါတယ်။

ဂျပန်နိုင်ငံမှာ ပြုလုပ်နေတဲ့ CEATEC (Combined Exhibition of Advanced Technologies) နည်းပညာပြပွဲမှာ အဆိုပါစားပွဲတင်တင်းနစ် နည်းပြ စက်ရုပ်ကို ပြသထားတာဖြစ်ပါတယ်။

FORPHEUS ဟာ ပြိုင်ဘက်ကစားသမားရဲ့ ကျွမ်းကျင်မှုအဆင့်တွေဖြစ်တဲ့ အခြေခံအဆင့်၊ အလယ်အလတ် သို့မဟုတ် အမြင့်ဆုံးအဆင့်တွေကို လိုက်ပါ ကစားနိုင်တဲ့ အစွမ်းရှိပါတယ်။ FORPHEUS က ပြိုင်ဘက် ကစားသမားရဲ့ အတွေ့အကြုံအပေါ်မူတည်ပြီး လိုက်လျောစွာ ကစားတတ်တယ်လို့လည်း ဆိုပါတယ်။

ကစားတဲ့ ပင်ပေါင်ဘောလုံးမှာတော့ 3D နည်းပညာကို တပ်ဆင်အသုံးပြုထားပါတယ်။

ဘောလုံး အမြန်နှုန်းနှင့် လည်ပတ်မှုအပြင် လေကြောင်း ပြောင်းလဲနှုန်းတွေကို တွက်ချက်နိုင်တဲ့ စွမ်းရည် သူ့မှာ ပါရှိတယ်လို့ သိရပါတယ်။

ပွဲစဉ်အတွင်း FORPHEUS စက်ရုပ်က ခန့်မှန်းရခက်တဲ့ ထောင့်ကျဉ်းနေရာတွေကို ပိုမြန်တဲ့နှုန်းနဲ့ ပြန်ရိုက်နိုင်ပြီး ပြိုင်ဘက်များကို စွမ်းဆောင်ရည် ထက်မြက်စေဖို့ ကူညီနိုင်တယ်လို့ ကုမ္ပဏီက ပြောပါတယ်။

၂၀၁၃ ခုနှစ်က Omron ကော်ပိုရေးရှင်းက ထုတ်လုပ်ခဲ့တဲ့ စားပွဲတင်တင်းနစ် နည်းပြစက်ရုပ် FORPHEUS ဟာ သုံးနှစ်ဆ က်တိုက် CEATEC နည်းပညာပြပွဲမှာ တစ်စိတ်တစ်ပိုင်းအဖြစ် ပါဝင်ပြသနေခဲ့တာဖြစ်ပါတယ်။

©EFE_EPA

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly

Tags