အောက်တိုဘာ ၄၊ စပိန်။ ။ လာမည့်ကမ္ဘာ့ခြေစစ်ပွဲများအတွက် စပိန်လက်ရွေးစင်အသင်းတွင်ရွေးချယ်ခံထားရသည့် ဟာရဲရားသည် ပထမဆုံးနိုင်ငံတကာပွဲ ကစားခွင့်ရရန် အခွင့်အရေးရနေပြီဖြစ်သည်။
စပိန်ယူ-၂၁ နှင့် ယူ-၂၃ ကစားသမားဟောင်း မန်ချက်စတာယူနိုက်တက်ကွင်းလယ်လူ ဟာရဲရားသည် လက်ရွေးစင်အသင်းကြီး တွင်မူ တစ်ကြိမ်မှရွေးချယ်ခြင်းမခံရသေးသူဖြစ်သည်။
သို့သော် လက်ရှိရာသီပရီးမီးယားလိဂ်တွင်ပြသနေသောခြေစွမ်းကြောင့် ဟာရဲရားကို စပိန်နည်းပြလာပက်ဂူက အီတလီ၊ အယ်လ်ဘေးနီးယားတို့နှင့်ပွဲအတွက် စပိန်အသင်းလူစာရင်းတွင် ထည့်သွင်းရွေးချယ်ထားသည်။
ဟာရဲရားသည် အရန်ခုံတွင် အစောပိုင်းရက်သတ္တပတ်အနည်းငယ်ခန့် အချိန်ကုန်ခဲ့ရပြီးနောက် မော်ရင်ဟို၏ ပွဲထွက် ၁၁ ယောက်စာရင်းတွင်ပါဝင်လာပြီး ပေါ့ဂ်ဘာနှင့်တွဲဖက်ကာ ခြေစွမ်းပြနေသူဖြစ်သည်။
Ref; goal.com
