မေ ၁၂၊ မက်ဒရစ်။ ။ ရီးယဲလ်မက်ဒရစ်အသင်းသည် ကမ္ဘာ့တန်ဖိုးအရှိဆုံးအသင်းအဖြစ် လေးနှစ်ဆက်ရပ်တည်နိုင်ခဲ့သည်။ စပိန်ထိပ်သီး ရီးယဲလ်မက်ဒရစ်သည် ပြိုင်ဘက် ဘာစီလိုနာနှင့် မန်ချက်စတာယူနိုက်တက်တို့ကို ကျော်ကာဦးဆောင်နေခြင်းဖြစ်သည်။
အမေရိကန်မဂ္ဂဇင်းဖော့ဘ်စ်၏ ဖော်ပြချက်အရ ရီးယဲလ်မက်ဒရစ်အသင်း၏တန်ဖိုးမှာ ကန်ဒေါ်လာ ၃ ဒသမ ၆၄၅ ဘီလီယံ (ပေါင် ၂ ဒသမ ၅၂ ဘီလီယံ)ရှိပြီး တစ်နှစ်ဝင်ငွေ ကန်ဒေါ်လာ ၆၉၄ သန်း (ပေါင်သန်း ၄၈၀) ရှိကာ ပြိုင်ဘက်ဘာစီလိုနာအသင်းထက် အနည်းငယ်အသာရနေသည်။
ဘာစီလိုနာအသင်း၏တန်ဖိုးမှာ ကန်ဒေါ်လာ ၃ ဒသမ ၅၄၉ ဘီလီယံ (ပေါင် ၂ ဒသမ ၄၆ ဘီလီယံ)ရှိပြီး ယူနိုက်တက်အသင်းမှာ ကန်ဒေါ်လာ ၃ ဒသမ ၃၁၇ ဘီလီယံ (ပေါင် ၂ ဒသမ ၃ ဘီလီယံ) ရှိသည်။
ထိပ်ဆုံး ၁၀ သင်းတွင် ယူနိုက်တက်အပါအဝင် အာဆင်နယ်၊ မန်စီးတီး၊ ချယ်လ်ဆီး၊ လီဗာပူးလ်နှင့် စပါးအစရှိသည့် ပရီးမီးယားလိဂ် အသင်းခြောက်သင်းပါဝင်နေသည်။
ထိပ်ဆုံးအသင်း ၂၀ ၏ တန်ဖိုးမှာ ရုပ်သံစာချုပ်များ၊ ဝတ်စုံစပွန်ဆာများကြောင့် လွန်ခဲ့သည့် ၁၂ လကထက် ၂၄ ရာခိုင်နှုန်းပိုမြင့်လာသည်ဟု ဖော့ဘ်စ်မဂ္ဂဇင်းတွင် ဖော်ပြထားသည်။
ယင်းစစ်တမ်းတွင် ရီးယဲလ်မက်ဒရစ်သည် ကန်ဒေါ်လာ ၄ ဘီလီယံတန်ဖိုးရှိ ဒါးလက်စ်ကောင်းဘွိုင်စ်အမေရိကန်ဘောလုံးအသင်းပြီးနောက် ကမ္ဘာ့ဒုတိယတန်ဖိုးအရှိဆုံး အားကစားအသင်းအဖြစ် ရပ်တည်နေသည်။
ကမ္ဘာ့တန်ဖိုးအရှိဆုံးဘောလုံးအသင်း ၁၀ သင်း
ရီးယဲလ်မက်ဒရစ် (ပေါင် ၂ ဒသမ ၅၂ ဘီလီယံ)
ဘာစီလိုနာ (ပေါင် ၂ ဒသမ ၄၆ ဘီလီယံ)
မန်ချက်စတာယူနိုက်တက် (ပေါင် ၂ ဒသမ ၃ ဘီလီယံ)
ဘိုင်ယန်မြူးနစ် (ပေါင် ၁ ဒသမ ၈၅ ဘီလီယံ)
အာဆင်နယ် (ပေါင် ၁ ဒသမ ၄ ဘီလီယံ)
မန်စီးတီး (ပေါင် ၁ ဒသမ ၃၃ ဘီလီယံ)
ချယ်လ်ဆီး (ပေါင် ၁ ဒသမ ၁၅ ဘီလီယံ)
လီဗာပူးလ် (ပေါင် ၁ ဒသမ ၀၇ ဘီလီယံ)
ဂျူဗင်တပ် (ပေါင်သန်း ၉၀၀)
စပါး (ပေါင် ၇၀၄ သန်း)
Ref; Daily Mail