ချင်းမိုင် ၊မေ ၁၀ ။          ။ ထိုင်းနိုင်ငံတောင်ပိုင်း ရနောင်းမြို့တွင် ကားတိုက်မှုဖြင့် သေဆုံးသွားသူ မြန်မာရွှေ့ပြောင်းအလုပ်သမားများအတွက် နစ်နာကြေး တစ်ဦးလျှင် ထိုင်းဘတ်ငွေ ၈ သိန်း(မြန်မာငွေ ၂၅၀)ခန့် ရရှိနိုင်ရန်ခန့်မှန်းထားကြောင်း မြန်မာအလုပ်သမားများ နစ်နာကြေး ရရှိရေး ဆောင်ရွက်ပေးနေသော ပညာရေးနှင့် ဖွံ့ဖြိုးရေးအဖွဲ့ (FED)မှ ဒါရိုက်တာ ဦးထူးချစ်က ပြောသည်။

“ကျွန်တော်တို့ ၈ သိန်းလောက် ရမယ်လို့ ခန့်မှန်းတာ။ ထော်လော်ဘော်က ဧပြီလ ၁ ရက်နေ့ကနေ အစိုးရ ဥပဒေသစ်အရ သေဆုံးလို့ ရှိရင် သုံးသိန်းပေးကိုပေးရမယ်။ ကားအာမခံက ပုံမှန်အားဖြင့် ၅ သိန်းကနေ ၁၀ သိန်းထိ တောင်းလို့ ရတယ်။ ဒါပေမဲ့ ဟိုဘက် ဒီဘက် ရှေ့နေတွေကတော့ ငြင်းတာ၊ ပြုတာ ဖြစ်လိမ့်မယ်။ တွေ့အကြုံအရ ဆိုရင်တော့ နှစ်ခုပေါင်း ၈ သိန်းလို့ မှန်းထားတာ”ဟု သူက မဇ္ဈိမကို ပြောသည်။

နစ်နာကြေးဘတ် ၃ သိန်း ရရှိမည်ဖြစ်ကာ ကားအာမခံကြေးသည် ဘတ်ငွေ ၃ သိန်းခန့် ရရှိနိုင်မည်ဟု ခန့်မှန်းခြင်း ဖြစ်သည်ဟု သူက ပြောသည်။

SIFCO အလုပ်ရှင်မှလည်း တစ်ဦးလျှင် ဘတ်ငွေ နှစ်သောင်း နှင့် အစိုးရ လူမှုဖူလုံရေး (Social Security) မှ သေဆုံးသူ တစ်ဦးအတွက် ဘတ်ငွေ တစ်သိန်းဆီရရှိထားကြောင်း FED ဒါရိုက်တာ ဦးထူးချစ်က ပြောသည်။