ရခိုင်ပြည်နယ်အတွက် လူမှုဘဝလုံခြုံအောင် ဆောင်ရွက်ပေးမည်ဟု ဦးညီပုပြောကြား

ရခိုင်ပြည်နယ်အတွက် လူမှုဘဝလုံခြုံအောင် ဆောင်ရွက်ပေးမည်ဟု ဦးညီပုပြောကြား

စစ်တွေ၊ ဧပြီ ၁ ရက် ။        ။ ဧပြီ ၁ ရက်နေ့မှာ ကျင်းပခဲ့တဲ့ ဒုတိယအကြိမ်မြောက် ရခိုင်ပြည်နယ်လွှတ်တော် ပထမပုံမှန်အစည်းဝေး သတ္တမနေ့မှာ ဦးညီပုက ပြည်နယ်ဝန်ကြီးချူပ်အဖြစ် ကျမ်းသစ္စာ ကျိန်ဆိုခဲ့ပါတယ်။

အဲဒီနောက်မှာ ရခိုင်ပြည်နယ်အတွက် ပထမဦးဆုံး မိန့်ခွန်းကို ပြည်နယ်ဝန်ကြီးချူပ် ဦးညီပုက ခုလို ပြောကြားခဲ့ပါတယ်။

"လက်ရှိ ရခိုင်ပြည်နယ် ဖွံ့ဖြိုးတိုးတက်မှု နိမ့်ကျနေမှုတွေကနေ အမြန်ဆုံး ကျော်လွှားလွတ်မြောက်နိုင်ရေးအတွက် အတူတကွ ပူးပေါင်းဆောင်ရွက်ရေး၊ အမျိုးသားရင်ကြားစေ့ရေးတို့နဲ့အတူ ရခိုင်ပြည်နယ်သူ၊ ပြည်နယ်သားတို့ရဲ့ လူနေမှုဘဝ လုံခြုံစိတ်ချစွာ ဖွံ့ဖြိုးတိုးတက်ရေးကို အစွမ်းကုန် ကြိုးစားသွားပါမယ်" လို့ ပြောပါတယ်။

မိန့်ခွန်းပြောကြားပြီးနောက် ပြည်နယ်လွှတ်တော်အတွင်း ဝန်ကြီးနေရာများအဖြစ် တိုင်းရင်းသားရေးရာဝန်ကြီးနေရာကို ဦးပုန်းဘွေ၊ နယ်စပ်ရေးရာလုံခြုံရေးဝန်ကြီးအဖြစ် ဦးထိန်လင်းတို့ကို အဆိုတင်သွင်းခဲ့ပါတယ်။

ဒီကနေ့ ကျင်းပခဲ့တဲ့ ပြည်နယ်လွှတ်တော် အစည်းအဝေးကို လွှတ်တော်ကိုယ်စားလှယ် ၄၂ ဦးအနက် ၄၁ ဦး တက်ရောက်ခဲ့ပြီး ယခင် ရခိုင်ပြည်နယ် ဝန်ကြီးချူပ် (ငြိမ်း) ဖြစ်တဲ့ အမ်းမြို့နယ် မဲဆန္ဒနယ်က ဦးမောင်မောင်အုန်းမှာ တက်ရောက်ခဲ့ခြင်း မရှိဘူးလို့ သိရပါတယ်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required