ရန်ကုန် ၊မတ် ၂၈။ ။ မြန်မာနိုင်ငံတွင် လာရောက်ရင်းနှီးမြှပ်နှံသည့် ကိုရီးယားပိုင် အထည်ချုပ် စက်ရုံ များတွင်အလုပ်သမားအခွင့်အရေးချိုးဖောက်မှုရှိနေသည့် ကိုအစိုးရသစ်ထံ တင်ပြသွားမည်ဟု Action Labor Rights အဖွဲ့မှ ဒါရိုက်တာ ကိုသူရိန်အောင်က မဇ္ဈိမ ကိုပြောသည်။
“ စက်ရုံတွေက ဝင်လာမှာတွေ အများကြီးပဲ အခုသုတေသန လုပ်တဲ့ အခါမှ အလုပ်သမားတွေမှာ အလုပ်သမားအခွင့်အရေး ဆုံးရှုံးမှုတွေကိုအများဆုံးတွေ့ရှိရတယ်။ဒါကိုနောက်တက်တဲ့အစိုးရအနေနဲ့ ဘယ်လို့ထိန်းချုပ်မလဲ ဆိုတာကို သူတို့အနနဲ့ ဘယ်နည်းလမ်းက လုပ်ရမလဲ ဆိုတာကို တင်ပြမယ်”၎င်းကပြောသည်။
အစိုးရသစ်တင်ပြရန်အတွက် ကနဦး ပဏမ အနေဖြင့် စစ်တမ်းကောက်ယူထားခြင်းဖြစ်သည်။
ယင်းစစ်တမ်းမှ တွေ့ရှိချက်များကိုအားသာချက် အနည်းချက်များကို ကြည့်၍ အထည်ချုပ် စက်ရုံများအား မည့်သည်နည်းလမ်းဖြင့် ထိန်းချုပ်နိုင်မည်ကို အဖြေရှာနိုင်ရန် ရည်ရွယ်ထားသည်ဟု၎င်းကဆိုသည်။
ဖိအားများအောက်မှ ကိုရီးယားပိုင်အထည်ချုုပ်စက်ရုံအလုပ်သမားမျာ “Under Pressure -ခေါင်းစဉ်ဖြင့် ” ဟူသောအစီရင်ခံစာကိုမတ်၂၆ ရကနေ့က ထုတ်ပြန်ခဲ့သည်။
ကိုရိးယားပိုင်နှင့် ကိုရီးယားဖက်စပ်အထည်ချုပ် စက်ရုံ အချို့မှအလုပ်သမားများ၏ အခြေအနေများကို အစီရင်ခံထားခြင်းဖြစ်ပြီး ယင်းအဖွဲ့မှ ကွင်းဆင်း သုတေသန ပြုလုပ်ခဲ့ရာတွင် အလုပ်သမားဥပဒေမှ သတ်မှတ်ထားသည့် လုပ်ငန်းခွင် ပြဌန်းထားသည့် ဥပဒေများကို ချိုးဖောက်မှု များရှိနေပြီး အလုပ်သမား အခွင့်အရေးများကို ချို့ဖောက်မှုများရှိနေသည် ။
“ကိုရီးယားရင်းနှီးမြှုပ်နှံမှုကိုပဲဦးတည်လေ့လာရတဲ့ အကြောင်းရင်းက ကိုရီးယားက မြန်မာ အထည်ချုပ်ကဏ္ဍမှာ အရေးပါလို့ပါ။ နောက်ပြီတော့ ကိုရီးယားက အိုအီးစီဒီအဖွဲ့ဝင်နိုင်ငံဖြစ်ပါတယ်။ နိုင်ငံ ပေါင်းစုံနဲ့လုပ်ကိုင်တဲ့အဖွဲ့အစည်းတွေအတွက် အိုအီးစီဒီညွှန်ကြားချက်တွေကို လိုက်နာဖို့ လက်မှတ်ထိုးထားတဲ့ နိုင်ငံအနေနဲ့ ကိုရီးယားအစိုးရကို တာဝန်ယူမှုရှိစေချင်တာပါ။”ဟု ၎င်းကပြောသည်။
မြန်မာနိုင်ငံမှာ လာရောက် ရင်းနှီးမြှပ်နှံသည့် ကုမ္ပဏီများအနေဖြင့် ဥပဒေ၊စည်းမျဉ်း၊ အလုပ်သမားဆက်ဆံရေး၊ လုပ်ငန်းခွင်အလေ့အကျင့်များကို မူဘောင်အတိုင်း လက်တွေ့လုပ်ဆောင်ရန်နှင့် နိုင်ငံတကာအလုပ်သမားစံနှုန်းများကို လိုက်နာစေ ရန်ရည်ချက်ဖြင့် သုတေသန ပြုလုပ်ရခြင်းဖြစ်သည်။