ဇူလိုင် ၁၊ ရောမ။ ။ အာဆင်နယ်တိုက်စစ်မှူးဟောင်း ဂါဗင်ဟိုရဲ့ အရှေ့အလယ်ပိုင်းဒေသအသင်းတစ်သင်းထံ တောင်းဆိုခဲ့မှုကတော့ ကြားရသူတွေကို အံ့သြ သွားစေခဲ့ပါတယ်။
အသက် ၂၈ နှစ်အရွယ်ရှိပြီဖြစ်တဲ့ အိုင်ဗရီကို့စ်တိုက်စစ်မှူးဟာ လွန်ခဲ့တဲ့နှစ်ရာသီအတွင်း ရိုးမားအသင်းမှာခြေစွမ်းပြခဲ့ပေမယ့် နွေရာသီအပြောင်းအရွှေ့ကာလအတွင်းမှာ အိုလံပီကိုကွင်းကနေထွက်ခွာတော့မယ်လို့ သတင်းတွေထွက်နေသူပါ။
ဒါပေမဲ့လည်း ကလပ်အသင်းတစ်သင်းထံသူ့ရဲ့တောင်းဆိုမှုကသိပ်များလွန်းတာကြောင့် အပြောင်းအရွှေ့ပျက်ပြယ်ခဲ့ရတယ်လို့ အီတလီ သတင်းစာ ဂဇက်တာဒယ်လိုစပို့က ဖော်ပြခဲ့ပါတယ်။
ရိုးမားအသင်းနဲ့ အဘူဒါဘီကလပ် အယ်ဂျာဇီးယားတို့ဟာ ပြောင်းရွှေ့ကြေးယူရို ၁၃ သန်း (ပေါင် ၉ ဒသမ ၂၅)နဲ့ သဘောတူညီမှုရခဲ့ပေမယ့် ဂါဗင်ဟိုရဲ့တောင်းဆိုမှုကြောင့် ပျက်ပြယ်ခဲ့ရပါတယ်။
ဂါဗင်ဟိုတောင်းဆိုခဲ့တာက သူသွားဖို့လာဖို့ ရဟတ်ယာဉ်တစ်စီးအချိန်ပြည့်ထားပေးဖို့၊ မိသားစုတွေကို နေရာချထားပေးဖို့၊ ကိုယ်ပိုင် ကမ်းခြေ တစ်ခုနဲ့ အိုင်ဗရီကို့စ်ကိုပြန်ဖို့ လေယာဉ်လက်မှတ်တွေပဲ ဖြစ်ပါတယ်။ ဒီတောင်းဆိုမှုတွေကြောင့် အပြောင်းအရွှေ့ပျက်ခဲ့ရတာပါ။
တိုက်စစ်မှူးဂါဗင်ဟိုဟာ ရိုးမားအသင်းနဲ့ စာချုပ်သက်တမ်း သုံးနှစ်ကျော်ကျန်နေသေးတဲ့ ကစားသမားတစ်ဦးဖြစ်ပါတယ်။
ရည်ညွှန်း အင်ဒီပန်းဒန့်
