Ooredoo Enjoy the Internet

Shop.com.mm

“ မြန်မာနိုင်ငံရင်းနှီးမြှုပ်နှံကော်မရှင်က လုပ်ခဲ့တဲ့ လုပ်ငန်းတိုင်းမှာ စည်ပင်ကို ချောင်ကိုထိုးထားတာ”

.

ရန်ကုန်မြို့တော်စည်ပင်သာယာရေးကော်မတီ ကော်မတီဝင်ရုံး (၇)မှ ဦးခင်လှိုင်နှင့် တွေ့ဆုံခြင်း-အပိုင်း (၁)

စီးပွားရေးမြို့တော်ရန်ကုန်တွင် ဆောက်လုပ်ရေးလုပ်ငန်းများနှင့် အကြီးစားစီးမံကိန်းလုပ်ငန်းများ နေ့ရောညပါ လုပ်ကိုင် နေကြသည်။ အများစုက မြန်မာနိုင်ငံရင်းနှီးမြှုပ်နှံမှုကော်မရှင်မှ ခွင့်ပြုထားသောဟိုတယ်နှင့် အဆင့်မြင့်အိမ်ရာစီမံကိန်းများ ဖြစ်ကြသည်။

ထို့အပြင် မြန်မာနိုင်ငံရင်းနှီးမြှုပ်နှံမှုကော်မရှင်သည် ဆောက်လုပ်ရေးစီမံကိန်းအသစ်များကိုလည်း ခွင့်ပြုထားပြီးဖြစ်သည်။ ဥပမာရန်ကင်းမြို့နယ်၊ ကမ္ဘာအေးဘုရားလမ်းနှင့် သစ္စာလမ်းထောင့်ရှိ သိပံ္ပနှင့်နည်းပညာဝန်ကြီးဌာနပိုင် မြေနေရာကို ဒဂုံစီးတီးအိမ်ရာစီမံကိန်းအားလည်းကောင်း၊ ဦးအိုက်ထွန်းပိုင်ဆိုင်သည့် ရွှေတောင်ကုမ္ပဏီကို ဗိုလ်တစ်ထောင်မြို့နယ်၊ ကုန်သည်လမ်းနှင့် သိမ်ဖြူလမ်းထောင့်ရှိ မြန်မာ့မီးရထားရုံးချုပ်ဟောင်းမြေနေရာအားလည်းကောင်း၊ Adventure Myanmar နှင့် သုခရတနာကုမ္ပဏီ ၂ ခုတို့အားလမ်းမတော်မြို့နယ် UMFCCI ရုံးအနီးရှိ ယခင်ကုန်သွယ်ရေးဌာနပိုင် ဂိုထောင်ရုံးဟောင်းနေရာနှင့် UMFCCI အသင်းချုပ် ဥက္ကဋ္ဌဖြစ်သူ ဦးဝင်းအောင်နှင့် Grand Royal ဝီစကီထုတ်လုပ်သည့် IBTC ကုမ္ပဏီလုပ်ငန်းရှင် ဦးအောင်ကျော်မိုးတို့ ပူးပေါင်းထားသည့် Andaman Alliance Healthcare အား ဗိုလ်ချုပ်လမ်းထောင့်ရှိ ကျန်းမာရေးဝန်ကြီးဌာနပိုင်မြေနေရာတို့ကို ပုဂ္ဂလိကဆေးရုံလုပ်ငန်းအတွက် မြေနေရာချထားပေးပြီးဖြစ်သည်။

ဖော်ပြပါ ဆောက်လုပ်ရေးစီမံကိန်းအသစ်များနှင့် ပတ်သတ်ပြီးထိုကုမ္ပဏီများအနေနှင့် ရန်ကုန်မြို့တော် စည်ပင်သာယာရေးကော်မတီထံသို့ ခွင့်ပြုချက်ရယူထားခြင်းမရှိခြင်းနှင့် တည်ဆဲနိုင်ငံခြား ရင်းနှီးမြှုပ်နှံမှုဥပဒေ၊ နည်းဥပဒေများနှင့် ဆန့်ကျင်ကွဲလွဲကိုက်ညီမှုမရှိခြင်းတို့ကြောင့် အလိုအလျောက်ပျက်ပြယ်နိုင်သည်ဟုရန်ကုန်မြို့တော်စည်ပင်သာယာရေး ကော်မတီဝင် (၇) ရုံးကမတ်လ (၄)ရက်နေ့တွင် ကြေငြာချက်ထုတ်ခဲ့သည်။ ထို့အပြင် ကော်မတီဝင် (၇)ရုံးအနေနှင့် မြကျွန်းသာအပန်းဖြေဥယျာဉ်အတွင်း   ဆောက်လုပ်ဆဲလုပ်ငန်းများ ရပ်ဆိုင်းရန်ဆိုသည့် ကြေငြာချက်ကိုလည်း မတ်လ (၇)ရက်နေ့က ထုတ်ပြန်ထားပြန်သည်။

မဇ္ဈိမအနေနှင့် အဆိုပါထုတ်ပြန်ချက်များနှင့် ပတ်သတ်ပြီးကြေငြာချက်ကိုရေးသားခဲ့သည့် ရန်ကုန်မြို့တော်စည်ပင် သာယာရေးကော်မတီဝင် (၇) ဖြစ်သူဦးခင်လှိုင်နှင့်   ဆွေးနွေးထားသည်များကို   ဖော်ပြလိုက်ပါသည်။

မဇ္ဈိမ။  ။ အရင်ဆုံးသိချင်တာကရန်ကုန်မြို့တော် စည်ပင်သာယာရေးကော်မတီဝင်ရုံး (၇)ကနေပြီးတော့ မတ်လ (၄) ရက် နေ့မှာကြေငြာခဲ့တဲ့ ထုတ်ပြန်ချက်အရဆိုရင် ရန်ကင်းမြို့နယ် ကမ္ဘာအေးဘုရားလမ်းနဲ့ သစ္စာလမ်းထောင့်မှာရှိတဲ့ သိပ္ပံနဲ့ နည်းပညာဝန်ကြီးဌာနပိုင်နယ်မြေမှာ လုပ်ကိုင်ဖို့ရှိနေတဲ့ ဒဂုံစီးတီးအဆင်မြင့်အိမ်ရာ စီမံကိန်း အပါအဝင် ရန်ကုန်မြို့က တစ်ခြားစီမံကိန်းသုံးလေးခုလောက်က နိုင်ငံခြားတိုက်ရိုက်ရင်းနှီးမြှုပ်နှံမှုဥပဒေနဲ့ ကွဲလွဲစွာလုပ်ကိုင်နေတယ်ဆိုတာကြောင့် အလိုအလျောက် ပျက်ပြယ်သွားနိုင်မယ်ဆိုတဲ့ အချက်တွေပါဝင်လာတာကို တွေ့ရတယ်ခင်ဗျ။ ဒီထုတ်ပြန်ချက်နောက်ပိုင်း ရင်းနှီးမြှုပ်နှံသူတွေဘက်က အခုချိန်ထိရန်ကုန်မြို့တော် စည်ပင်သာယာရေးကော်မတီကို တစ်စုံတစ်ရာလာရောက် ဆက်သွယ်တာတွေ ရှိလား။ ပြီးတော့ ဒီဟာတွေကဖော်ပြထားသလိုမျိုးပေါ့နော်။ တကယ်ပျက်ပြယ်သွားနိုင်မယ့် အခြေအနေတွေ ရှိနေလားခင်ဗျ။

ဦးခင်လှိုင်။  ။ အရင်ဆုံးပြောချင်တာက ကျွန်တော်တို့ရဲ့ ရန်ကုန်မြို့တော် စည်ပင်သာယာရေးကော်မတီဆိုတာ ရန်ကုန်တိုင်းဒေသကြီးမှာရှိတဲ့ မြို့နယ် (၃၃) မြို့နယ်ကိုရန်ကုန်တိုင်းဒေသကြီးအစိုးရဥပဒေ၊ ၂၀၁၃ခုနှစ် စည်ပင်သာယာရေးဥပဒေများအရ ကျွန်တော်တို့စီမံခန့်ခွဲပိုင်ခွင့်ရှိတဲ့ ကော်မတီဖြစ်ပါတယ်။ အဲဒိတော့ ဒီဒေသနဲ့ပတ်သတ်ပြီးတော့ ဖြစ်ပေါ်လာတဲ့ရလာဒ် အကောင်းအဆိုးတွေနဲ့ပတ်သတ်ပြီး ကျွန်တော်တို့မှာ အရာရာတာဝန်ရှိပါတယ်။ ကျွန်တော်တို့ ရန်ကုန်မြို့သူ၊ မြို့သားများ ဖြစ်ပေါ်လာနိုင်မယ့်အခက်အခဲတွေ၊ အခုဖြစ်ပေါ်နေတဲ့လမ်းပိတ်ဆို့မှုတွေ၊ လူဦးရေသိပ်သည်းလာမှုတွေစတဲ့ မြောက်များစွာသော ရှုပ်ထွေးမှုတွေဟာရန်ကုန်မြို့မှာ ဖြစ်နေတယ်ဆိုတာ အားလုံးသိပြီးသားဖြစ်ပါတယ်။ အဲ့ဒိနေရာမှာလူထုကရွေးချယ်တဲ့ စည်ပင်သာယာရေးကော်မတီဝင်တွေအနေနဲ့ ၂၀၁၅ ခုနှစ်၊ ဇန်န၀ါရီလလောက်မှာ စတင်ပြီးတော့ တာဝန်ထမ်းဆောင်ခဲ့တဲ့ တောက်လျှောက်မှာ အပြင်းအထန်နဲ့ ရန်ကုန်မြို့ကို ကာကွယ်စောင့်ရှောက်နေပါတယ်။ ဒီလိုစောင့်ရှောက်တဲ့နေရာကျရင်လည်း ကျွန်တော်တို့ကဥပဒေ၊ နည်းဥပဒေအတိုင်းပဲ အလုပ်လုပ်ရပါတယ်။ ဥပဒေ၊ နည်းဥပဒေမပါရင် မလုပ်တတ်ပါဘူး၊ လုပ်လို့မရပါဘူး၊ အခုဒီကုမ္ပဏီတွေနဲ့ပတ်သတ်ပြီး   မြန်မာနိုင်ငံရင်းနှီးမြှုပ်နှံမှုကော်မရှင်က   ဆောင်ရွက်ခဲ့တဲ့လုပ်ငန်းရပ်   တော်တော်များများဟာ ဥပဒေနဲ့ပတ်သတ်လို့ မကိုက်ညီတာတွေ သွားတွေ့ရပါတယ်။ အဲလိုမကိုက်ညီတာဖြစ်တဲ့အတွက် ယနေ့ ရန်ကင်းမြို့နယ်၊ ကမ္ဘာအေးဘုရားလမ်းနဲ့ သစ္စာလမ်းထောင့်မှာရှိတဲ့ သိပ္ပံနဲ့နည်းပညာဝန်ကြီးဌာနပိုင်မြေနေရာမှာပေးခဲ့တဲ့ ဒဂုံစီးတီးအိမ်ရာစီမံကိန်း.. အဲဒိလိုပဲလမ်းမတော်မြို့နယ်၊ မင်းရဲကျော်စွာလမ်းမှာရှိတဲ့ မြေ (၉)ဧကလောက်ရှိတဲ့ စီးပွားကူးသန်းမြေနေရာရှိတယ်၊ ထပ်ပြီးလည်းဗိုလ်တစ်ထောင်မှာရှိတဲ့ မီးရထားရုံးဟောင်းနေရာတို့ကိုခွင့်ပြုထားပါတယ်။ ဘယ်လိုပဲဖြစ်ဖြစ် နိုင်ငံခြားတိုက်ရိုက်ရင်းနှီးမြှုပ်နှံမှုနည်းဥပဒေက အရမ်းကောင်းတယ်၊ အဲဒိနည်းဥပဒေအတိုင်း ဆောင်ရွက်ဖို့ဆိုပြီး ဥပဒေမှာအတိအကျပြဌာန်းထားတယ်။ အဲဒိလို ပြဌာန်းထားတာကြောင့် ပြည်ထောင်စုအစိုးရအဖွဲ့ကလည်း တိုင်းဒေသကြီးအစိုးရအဖွဲ့ကို လုပ်ပိုင်ခွင့်ပေးထားသလို တိုင်းဒေသကြီးအစိုးရကလည်း သူ့လက်အောက်မှာရှိတဲ့ စည်ပင်သာယာရေးကော်မတီကိုလုပ်ပိုင်ခွင့် အသီးသီးပေးထားတာ၊ ဒါကြောင့် တကယ်ကောင်းတဲ့ဥပဒေဖြစ်တယ်။ ဒီလိုကောင်းတဲ့ဥပဒေကိုဥပဒေ၊ နည်းဥပဒေ အတိုင်း အတိအကျမလိုက်နာဘဲ ဆောင်ရွက်ခဲ့တာဖြစ်တဲ့အတွက် ဒါတွေဟာ အလိုအလျောက်ပျက်ပြယ်မယ်ဖြစ်တယ်ဆိုတာ ကျွန်တော်ပြောစရာတောင်မလိုဘူး၊ ဥပဒေနားလည်တဲ့လူတိုင်းသိတယ်။ နုိုင်ငံခြားတိုက်ရိုက်ရင်းနှီးမြှုပ်နှံမှုနည်းဥပဒေပုဒ်မ (၁၂၉)မှာလည်း အတိအကျပြဌာန်းထားပါတယ်။ ဒီမှာဘာပြောထားသလဲဆိုရင် ရင်းနှီးမြှုပ်နှံမှုလုပ်ကိုင်ကြမယ့် လုပ်ငန်းတွေအနေနဲ့ ဒီဒေသနဲ့ ကိုက်ညီမှုရှိမရှိဆိုတာကိုတိုင်းဒေသကြီးအစိုးရသို့မဟုတ် ပြည်နယ်အစိုးရဆီက ခွင့်ပြုချက်တစ်ခုလိုတယ်။ နောက်တစ်ခုကကျတော့ သက်ဆိုင်ရာစည်ပင်သာယာရေးကော်မတီရဲ့ ခွင့်ပြုချက်လိုအပ်တယ်။ နောက်ဆုံးကျတော့ အဖွဲ့အစည်းတွေရဲ့ ခွင့်ပြုချက်လိုအပ်တယ်လို့ ပြောတယ်၊ အဲဒါတွေကလက်မခံဘူးဆိုရင်၊ ခွင့်ပြုချက်မပေးဘူးဆိုရင် လုပ်ကိုင်ဖို့ခွင့်ပြုလို့မရပါဘူးလို့ အတိအလင်းပြဌာန်းထားတယ်။ အဲဒါနဲ့ ဒီလိုခွင့်ပြုချက်တွေပေးနေတယ် ဆိုတာကို ကျွန်တော်ကြားလည်း ကြားရော ကျွန်တော် ရန်ကုန်မြို့တော်စည်ပင်သာယာရေးကော်မတီ အစည်းအဝေးမှာ ပြောပါတယ်။ မြို့တော်ဝန်ကို မေးကြည့်တော့ သူကိုယ်တိုင်ကလည်း ခွင့်ပြုချက်ပေးထားတာ မရှိသေးပါဘူးလို့ ပြောပါတယ်။ ဒီလက်ရှိလုပ်လိုက်တဲ့ စီမံကိန်းတွေ ပေးမယ်ဆိုကတည်းက လုပ်မယ်ဆိုကတည်းက ကျွန်တော်တို့ ကော်မတီတွေကရှိနေတာဖြစ်တဲ့အတွက် ကော်မတီအစည်းအဝေးတိုင်းမှာ အမြဲတမ်းတင်ပြဖို့ လိုတယ်။ ယနေ့ထက်ထိ ကော်မတီအစည်းဝေးမှာ ကျွန်တော်မတက်ခဲ့တာတစ်ရက်မှ မရှိဘူး။ အဲတော့ ကော်မတီအစည်းဝေးတိုင်းမှာ တက်ခဲ့တာဖြစ်တဲ့အတွက် အဲဒီအစည်းဝေးမှာ အမြဲတမ်းတင်ပြရမှာတာဝန်ရှိတယ်။

မဇ္ဈိမ။  ။ ကျွန်တော်တစ်ခု ဖြတ်မေးချင်တယ်။ အခုဖော်ပြပါဒီကုမ္ပဏီတွေနဲ့ပတ်သတ်ပြီးတော့ MIC က ခွင့်ပြုထားတဲ့ အပေါ်မှာ လောလောဆယ်အခြေအနေမှာက စီမံကိန်းလုပ်ဖို့ဆိုတဲ့ ခွင့်ပြုချက်မျိုးပဲရှိသေးတယ်။ တကယ် ဆောက်လုပ်နေတာကိုရော တွေ့ရလို့လားဗျ။ ပြီးတော့ သူတို့ကို ရန်ကုန်မြို့တော်စည်ပင်သာယာရေးကော်မတီရုံး(၇) အနေနဲ့ စာပို့နေပြီလား။

ဦးခင်လှိုင်။  ။ ကျွန်တော်ပြောပြပါ့မယ်။ ကျွန်တော်တို့ရဲ့ ကော်မတီရဲ့ ခွင့်ပြုချက်မရဘဲနဲ့ဆို လုပ်လုိ့မရဘူး။ ဒါပေမယ့် ကော်မတီဝင်တစ်ဦးဦးက ကော်မတီဝင် မသိဘဲနဲ့ပေးခဲ့မယ်ဆိုရင်လည်း ပျက်ပြယ်တယ်လို့ ပြောချင်တယ်။ ဘာဖြစ်လို့လဲဆိုတော့ သက်ဆိုင်ရာရင်းနှီးမြှုပ်နှံမှုကော်မရှင်ကပြောတယ်။ ဘယ်သူက ပေးလိုက်တာ၊ ဘယ်ဝါကို ပြောလိုက်တာဆိုပြီး အဲဒိလိုလည်းပြောသံကြားတယ်။ ဒါပေမယ့် ဘယ်လိုပဲပြောပြော ကော်မတီ(၉)ဦးရဲ့ အတည်ပြုဆုံးဖြတ်ချက်မရှိဘဲနဲ့ ပေးခဲ့ရင်လည်း အလိုအလျောက်ပျက်ပြယ်တယ်လို့ အရင်ဆုံးပြောချင်တယ်။ ဒါဥပဒေအရအပ်နှင်းထားတဲ့ လုပ်ပိုင်ခွင့်အရပြောတာပဲဖြစ်ပါတယ်။ ဒီနေရာမှာ သက်ဆိုင်ရာကုမ္ပဏီတွေကို သွားပြီးတော့လည်း စာပို့စရာအကြောင်းလည်းမရှိပါဘူး၊ ဘာကြောင့်လဲဆိုတော့ ကျွန်တော်တို့က ပြည်ထောင်စုအဆင့်က လုပ်တဲ့ကိစ္စလည်းဖြစ်ပါတယ်။ ဒါကြောင့် အခုကျွန်တော်ပြောနေတဲ့ အရာဟာ သီးခြားလည်းပြောနေစရာမလိုသလို ဒါကို ပြည်သူတွေသိအောင် ထုတ်ပြန်ပေးတာ ဖြစ်ပါတယ်။ ဒါက ကျွန်တော့်ရဲ့ တာဝန်ဖြစ်ပါတယ်။ လုပ်ခြင်း၊မလုပ်ခြင်းကသူတို့ရဲ့အကြောင်းဖြစ်ပါတယ်။လုပ်ခဲ့မယ်ဆိုရင်လည်းအဲဒီလုပ်ငန်းအဆောက်အဦးတွေ ဆောက်ရင်လည်း ကျွန်တော်တို့ ရန်ကုန်မြို့တော်စည်ပင်သာယာရေးကော်မတီကို ဆောက်လုပ်မယ့် ပုံစံ တင်ပြရမှာဖြစ်ပါတယ်။ အဲဒိလိုတင်ပြလာခဲ့ရင်လည်း အလိုလျောက်ပေးလို့ မရဘူးလို့ ပြောချင်ပါတယ်။

မဇ္ဈိမ။  ။ ဒါဆိုဒီကုမ္ပဏီတွေအနေနဲ့ ရန်ကုန်မြို့တော်စည်ပင်သာယာရေးကော်မတီကို လက်ရှိအချိန်ထိ တစ်စုံတစ်ရာလာရောက် ဆက်သွယ်ခြင်းမရှိသေးဘူးပေါ့။

ဦးခင်လှိုင်။  ။ မရှိပါဘူး။ ဘာမှလည်း ဆက်သွယ်စရာလည်းမရှိသေးဘူး။ လက်ရှိအားဖြင့် မြန်မာနိုင်ငံရင်းနှီးမြှုပ်နှံမှုကော်မရှင်က လုပ်ခဲ့တဲ့လုပ်ငန်းတိုင်းဟာ စည်ပင်ကိုချောင်ကိုထိုးထားတာ။ လုံးဝဂရုမစိုက်ခဲ့ဘူး။ ဘယ်သူမှ လာဆက်သွယ်တယ်ဆိုတာမရှိခဲ့ဖူးဘူး။ ပြီးခဲ့တဲ့ ဒဂုံစီးတီးတုန်းကလည်းဒီအတိုင်းပဲ။ အခုလည်း ဒီပုံစံထပ်ခင်းတယ်။ ဒီနေရာမှာ ဒီမီဒီယာကနေ တစ်ခုပြောချင်ပါတယ်။ ဒီနိုင်ငံမှာရင်းနှီးမြှုပ်နှံမှုတွေ လာလုပ်ကြမယ့် လုပ်ငန်းရှင်တွေအနေနဲ့ ဒီနိုင်ငံရဲ့ နိုင်ငံခြားတိုက်ရိုက်ရင်းနှီးမြှုပ်နှံမှုဥပဒေ၊ နည်းဥပဒေတွေကို သေသေချာချာလေ့လာပြီးတော့မှ လုပ်ပါလို့ပြောချင်ပါတယ်။ ပြီးတော့ ပြည်တွင်းကလုပ်ငန်းရှင်တွေကိုလည်း နိုင်ငံခြားရင်းနှီးမြှုပ်နှံသူတွေနဲ့ ပေါင်းလုပ်တဲ့အခါ ငါ ဘယ်သူ့ကိုပိုင်တယ်ဆိုပြီးတော့ ဥပဒေကိုမျက်ကွယ်ပြုပြီးတော့ လုပ်ခဲ့တာတွေကိုမလုပ်ပါနဲ့တော့ နိုင်ငံခြားသားတွေ ကျွန်တော်တို့နိုင်ငံကိုအထင်သေးသွားပါလိမ့်မယ်။

မဇ္ဈိမ။  ။ ဦးခင်လှိုင်အနေနဲ့ မတ် (၄) ရက်နေ့မှာထုတ်ပြန်ခဲ့တဲ့ ဖော်ပြပါ ဒဂုံစီးတီးအပါဝင် ဝန်ကြီးဌာနပိုင်မြေနေရာတွေမှာ လုပ်ကိုင်ဖို့ရှိနေတဲ့ စီမံကိန်းတွေအပြင်ရင်းနှီးမြှုပ်နှံမှုဥပဒေနဲ့ ငြိစွန်းနေတဲ့ တစ်ခြားစီမံကိန်းတွေများ တွေ့ထားတာရှိလားဗျ။

ဦးခင်လှိုင်။  ။ ကျွန်တော်ပြောပြပါ့မယ်။ ကျွန်တော်တွေ့စရာလည်းမလိုဘူး။ တွေ့ထားစရာလည်းမလိုဘူး။ ဥပဒေကိုလိုက်နာရမှာက သူတို့ရဲ့တာဝန်ဖြစ်ပါတယ်။ မလိုက်နာတဲ့သူတွေ သူတို့ဘာသာရှာကျန်လာရမှာက သူတို့အကြောင်းပဲ ကျွန်တော်ကဆင့်ခေါ်စရာအကြောင်းမရှိဘူး။ တစ်နည်းအားဖြင့်ပြောရင် ကျွန်တော်တို့ နိုင်ငံမှာရှိတဲ့ ပြည်သူလူထုကိုရော၊ အစိုးရတစ်ရပ်ကိုရော.. ပြည်သူလူထုကိုသိစေချင်တဲ့ ရည်ရွယ်ချက်နဲ့ ကျွန်တော်ဒီလိုမျိုးဥပဒေကို ထောက်ပြတာဖြစ်ပါတယ်။ ရှေ့ဆက်လျှောက်မယ်၊ မလျှောက်ဘူး၊ လုပ်သင့်တယ်..မလုပ်သင့်ဘူး၊ ဆက်သွယ်သင့်တယ်..မဆက်သွယ်သင့်ဘူးဆိုတာ သူတို့ဘာသာစဉ်းစားပါလိမ့်မယ်။ ပြီးတော့ တကယ်ရင်းနှီးမြှုပ်နှံမယ့်သူတွေပဲ တကယ်နစ်နာမှာပါ။ လူတိုင်းကိုမယုံပါနဲ့လို့ ပြောချင်ပါတယ်။

ဇ္ဈိမ။  ။ ကျွန်တော်ဆိုလိုချင်တာက အခုဒီစီမံကိန်းကမလုပ်ရသေးဘူး။ ဒါပေမယ့် လုပ်နေဆဲဖြစ်တဲ့ စီမံကိန်းတွေမှာရော ဒီလိုမျိုးဥပဒေနဲ့ ငြိစွန်းနေတာတွေကိုတွေ့ရလားဗျ။

ဦးခင်လှိုင်။  ။ ရှိကောင်းရှိလာနိုင်တယ်။ ရှိလာရင်လည်းဥပဒေနည်းအတိုင်းဆောင်ရွက်မယ်။

(မြကျွန်းသာအပန်းဖြေဥယျာဉ်ရှိ ဆောက်လုပ်ဆဲလုပ်ငန်းများ ရပ်ဆိုင်းခြင်းနဲ့ပတ်သက်သည့် မေးမြန်းချက်များကို ဆက်လက်ဖော်ပြပါမည် )