ရုပ်သံထုတ်လုပ်သူ တစ်ဦးလည်းဖြစ်သည့် စာရေးဆရာမ Shonda Rhimes သည် သူ၏ “Thank God It's Thursday” ရုပ်သံဇာတ်လမ်းတွဲထဲမှ အမျိုးသမီး သရုပ်ဆောင်များနှင့်အတူ ဟီလာရီကလင်တန်အား ထောက်ခံကြောင်း ထုတ်ဖော်ပြောဆိုထားသည့် ဗွီဒီယိုအသစ်တစ်ခုကို သမ္မတလောင်း ဟီလာရီကလင်တန်က ထုတ်ပြန်လိုက်သည်။
ထိုကြော်ငြာဗွီဒီယိုထဲတွင် Rhimes သည် Kerry Washington ၊ Ellen Pompeo နှင့် Viola Davis တို့နှင့်အတူ ပါဝင် ပြောဆိုထားသည်။ Scandal ရုပ်သံစီးရီးထဲတွင် Kerry Washington နှင့် အတူ တွဲဘက် သရုပ်ဆောင်ခဲ့သော မင်းသား Tony Goldwyn က ယခု နိုင်ငံရေးကြော်ငြာ ဗွီဒီယိုကို ရိုက်ကူးပေးခြင်း ဖြစ်သည်။
သရုပ်ဆောင် အမျိုးသမီးများက ၎င်းတို့ သရုပ်ဆောင်ခဲ့သော ဇာတ်ကောင်အမျိုးသမီးများမှာ ထူးချွန်၍ နားလည်ရခက်သူများ ဖြစ်ကြကာ တရားမျှတမှှုအတွက် တိုက်ပွဲဝင်ကြသူများဖြစ်ပြီး၊ ထုတ်ဖော်ပြောဆိုခွင့် မဲ့နေသူများ၏ အသံကို ဆောင်ကြဉ်းပေးကြသူများ ဖြစ်ကြောင်း နိုင်ငံရေး ကြော်ငြာ ဗွီဒီယိုထဲတွင် ပြောခဲ့ကြသည်။ မင်းသမီး Kerry Washington က “ကျွန်မတို့ရဲ့ ဇာတ်ကောင်တွေကတော့ တီဗွီထဲမှာပါ” ဟု ပြောခဲ့သည်။ “တကယ့် အပြင်လောကမှာတော့ ဟီလာရီ ကလင်တန် ရှိနေပါတယ်” ဟုလည်း မင်းသမီးများက တစ်လှည့်စီ ပြောခဲ့ကြသည်။
ကလင်တန်မှာ စစ်မှန်သော နိုင်ငံရေးသမား တစ်ဦးဖြစ်ကာ အမှန်တရားအတွက် တိုက်ပွဲဝင် ရန် အသင့်ရှိနေသူ တစ်ဦးဖြစ်ကြောင်း ဗွီဒီယိုထဲတွင် မင်းသမီးများက ပြောခဲ့ကြသည်။
ထိုဗွီဒီယိုကို https://www.hillaryclinton.com/forms/joinHRC/ တွင် ကြည့်ရှှုနိုင်ပါသည်။