စင်ကာပူထုတ်ကုန်ကဏ္ဍ အထွက်နှုန်းကျ

စင်ကာပူထုတ်ကုန်ကဏ္ဍ အထွက်နှုန်းကျ

စီအေအင် (စင်ကာပူ)။ ။ စီးပွားရေး ဖွံ့ဖြိုးမှုဘုတ်အဖွဲ့ (Economic Development Board) က ဇွန် ၂၆ ရက်နေ့က ထုတ်ပြန်သည့် နောက်ဆုံး အချက်အလက်များအရ ၂၀၁၅ ခုနှစ် မေလ နှုန်းယှဉ်ချက်အရ စင်ကာပူ သမ္မတနိုင်ငံ၏ ကုန်ထုန်လုပ်မှုမှာ ရှေ့တစ်နှစ်ကထက် ၂ ဒသမ ၃ ရာခိုင်နှုန်း ကျဆင်းသွားခဲ့သည်ဟု ဆိုသည်။

ဇီဝဆေးထုတ်ကုန်မှအပ ကျန်ကုန်ထုတ်လုပ်မှု အရပ်အရပ်မှာ ရှေ့တစ်နှစ်ကနှင့် နှိုင်းယှဉ်လျှင် ၂ ဒသမ ၂ ရာခိုင်နှုန်း ကျဆင်းသွားခဲ့သည်။ သို့ရာတွင် တစ်လချင်းအနေဖြင့် ကုတ်ထုတ်လုပ်မှုမှာ ၂ ဒသမ ၄ ရာခိုင်နှုန်း တိုးလာနေခဲ့ပြီး၊ ဇီဝဆေးထုတ်ကုန်တွေကို ဖယ်လိုက်လျှင်၊ အထွက်နှုန်းမှာ တစ်လချင်းအနေနဲ့ ၁ဒသမ၁ရာခိုင်နှုန်း တိုးလာနေသည်ဟု ဆိုသည်။

ဓာတုပစ္စည်းအထွက်နှုန်းမှာလည်း မေလ နှုင်းယှဉ်ချက်အရ ယမန်နှစ်ကထက ၁ ဒသမ ၃ ရာခိုင်နှုန်း တိုးလာခဲ့ပြီး၊ ရေနံဟာလည်း သန့်စင်စနစ်တွေ ပိုမိုကောင်းမွန်လာပြီး အထွက်နှုန်းတိုးလာသောကြောင့် ၆ ဒသမ ၅ ရာခိုင်နှုန်းအထိ ကြီးထွားဖွံ့ဖြိုးလာခဲ့သည်။  

သို့ရာတွင် တစ်ဖက်တွင်မူ ဆေးပစ္စည်း အမယ်စုံအရောအနှောတွေ ထုတ်လုပ်လာသော်လည်း ဆေးပစ္စည်း အထွက်နှုန်းမှာ ၁၀ ဒသမ ၃ ရာခိုင်နှုန်းအထိ ကျဆက်းသွားခဲ့၍ ဇီဝဆေးထုတ်ကုန် တစ်ခုလုံးအနေဖြင့်ကြည့်ှလျှင် ယမန်နှစ်ကထက် ၂ ဒသမ ၆ ရာခိုင်နှုန်း ကျဆင်းသွားခဲ့သည်။ သို့ရာတွင် ဆေးဘက်ဆိုင်ရာ နည်းပညာကဏ္ဍတွင်မူ ဆေးကိရိယာတွေကို ဝယ်လိုအားနဲ့ ထောက်ပံ့နိုင်စွမ်းက အားကောင်းနေမြဲဖြစ်လို့ ယမန်နှစ်ကထက် ၃၄ ဒသမ ၆ ရာခိုင်နှုန်း ပြန့်ကားကြီးထားလာသည်။

အထွေထွေကုန်ထုတ်ကဏ္ဍ အထွက်နှုန်းကတော့ မေလနှိုင်းယှဉ်ချက်အရ ယမန်နှစ်ကထက် ၂ ဒသမ ၄ ရာခိုင်နှုန်း ကျဆင်းသွားခဲ့သည်။  အထွေထွေကုန်ထုတ်လုပ်ငန်း၏ အဝတ်အထည်များ၊ သတ္တုကန်များ၊ သတ္တုတံခါးများ၊ ပြတင်းပေါက်များ၊ သံဇကာများနှင့် သစ်သားပရိဘောဂများ၏  အထွက်နှုန်းမှာလည်း ၅ ဒသမ ၁ ရာခိုင်နှုန်း ကျဆင်းသွားခဲ့သည်။။ ပုံနှိပ်လုပ်ငန်း၏ အထွက်နှုန်းမှာ လည်း ရှေ့တစ်နှစ်ကနဲ့ နှိုင်းယှဉ်လျှင် ၇ ဒသမ ၈ ရာခိုင်နှုန်း ကျဆင်းသွားခဲ့သည်။

အီထွက်ထရွန်းနစ်ကဏ္ဍမှာလည်း ယမန်နှစ်ကနှင့် နှိုင်းယှဉ်လျှင် ၀ ဒသမ ၂ ရာခိုင်နှုန်း ကျဆင်းသွားခဲ့သည်။

တစ်ပိုင်းလျှပ်ကူးပစ္စည်းတွေမှာ ၉ ဒသမ ၃ ရာခိုင်နှုန်း လူသုံးကုန် လျှပ်စစ်ပစ္စည်းတွေမှာ ၁၁ ဒသမ ၈ ရာခိုင်နှုန်း အသီးသီး ကျဆင်းသွားခဲ့ပေမယ့်လည်း ဟာ့ဒစ်လို ဒေတသိုလှောင် ကိရိယာတွေမှာ ၄၆ ဒသမ ၉ ရာခိုင်နှုန်းနဲ့ အခြားအီလက်ထရွန်းနစ် အစိတ်အပိုင်းတွေမှာ ၄၃ ဒသမ ၉ ရာခိုင်နှုန်း အသီးသီးတိုးတက်မြင့်မားလာခဲ့သည်ဟု ဆိုသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly