မုံရွာ၊ ဖေဖော်ဝါရီ ၂၃ ။ ။ စစ်ကိုင်းတိုင်းဒေသကြီး ပင်လည်ဘူး မြို့နယ်တွင် ဖေဖော်ဝါရီ ၁၆ ရက်နေ့က မြို့နယ် ရဲတပ်ဖွဲ့နှင့် မြို့နယ် စီမံခန့်ခွဲမှုကော်မတီတို့ ပူးပေါင်း၍ နယ်မြေအတွင်း တရားမဝင်တူမီးသေနတ် ကိုင်ဆောင်မှု မရှိစေရေးအတွက် ဆောင်ရွက်ရာ တရားမဝင်တူမီးသေနတ် ၁၀၀ ကျော်အား လာရောက်အပ်နှံထား ကြောင်း ပင်လည်ဘူးမြို့နယ် ရဲတပ်ဖွဲ့မှ သိရသည်။
ယင်းသို့ဆောင်ရွက်ရာတွင် သက်ဆိုင်ရာကျေးရွာအုပ်ချုပ်ရေးမှူးများဖြင့် ဆွေးနွေးညှိနှိုင်းခဲ့ခြင်းဖြစ်ကြောင်း ယခုအချိန်ထိလာရောက် အပ်နှံဆဲဖြစ်ပြီး ဖေဖော်ဝါရီ ၂၂ရက်နေ့အထိ တူမီးသေနတ် ၁၀၇လက် လာရောက်အပ်နှံခဲ့ကြောင်း ပင်လည်ဘူးမြို့မရဲစခန်း တာဝန်ကျ ရဲတပ်ဖွဲ့ဝင်တစ်ဦးက ပြောကြားသည်။
ဘန့်ဘွေ့ကုန်းအုပ်စု၊ ကုန်းကြီးရွာမှ ၆ လက်၊ ရေယွန်းပစ်ရွာမှ ၅ လက်၊ ရွာသစ်ကုန်းရွာမှ ၅ လက်၊ နောင်တော်အုပ်စု၊ ပလပတောင်ရွာမှ ၁၀ လက်၊ ကညင်ကုန်းအုပ်စု၊ သစ်ဖြူကျင်းရွာမှ ၉ လက်၊ ကညင်ကုန်ရွာမှ ၁၂ လက်၊ ချင်ကုန်းရွာမှ ၅ လက်၊ကတက်အုပ်စု၊ ကတက်ရွာမှ ၆ လက်၊ ပင်းမောင်အုပ်စု၊ မန်ကျီးကုန်းရွာမှ၁၀လက်၊ မန်ကျီးပင်အုပ်စု၊ မန်ကျီးပင်ရွာမှ ၄ လက်၊ ဥသျှစ်ပင်ရွာမှ ၃ လက်၊ မိုင်းတုံတောကြီးအုပ်စု၊ မိုင်းတုံတောကြီးကျေးရွာမှ ၁၉ လက်၊ မိုင်းတုံတောလေးကျေးရွာမှ ၁၃ လက်၊ စုစုပေါင်း ၁၀၇ လက်အား လာရောက် အပ်နှံခဲ့ကြခြင်းဖြစ်သည်။
