နယ်စပ်မှ ယာဘစက်ရုံများ မြန်မာက ဖယ်ရှားရှင်းလင်းလိမ့်မည်ဟု ဘင်္ဂလားဒေ့ရှ် ပြော

နယ်စပ်မှ ယာဘစက်ရုံများ မြန်မာက ဖယ်ရှားရှင်းလင်းလိမ့်မည်ဟု ဘင်္ဂလားဒေ့ရှ် ပြော

အိန္ဒိယ-မြန်မာနယ်စပ် မြန်မာဖက်ခြမ်း နယ်စပ်တစ်လျှောက် ယာဘထုတ်လုပ်မှုများကို ထိန်းချုပ်ဟန့်တားသွားရေး ဆုံးဖြတ်ချက်ကို ကိုင်စွဲလျက် မြန်မာနိုင်ငံနှင့် ဘင်္ဂလားဒေ့ရှ်နိုင်ငံတို့က ဆွေးနွေးပွဲများ   ပြုလုပ်လျက်ရှိကြောင်း ဘင်္ဂလားဒေ့ရ်ှ ပြည်ထဲရေးဝန်ကြီး ခန်းကာမယ်က ဖေဖော်ဝါရီ ၂၀ ရက်၌ ပြောသည်။

"မြန်မာနိုင်ငံက ယာဘဆေးပြားတွေ ထုတ်ပြီး အိန္ဒိယက ဖင်ဆီဒိုင်းတွေ ထုတ်လုပ်နေကြတယ်။ ဘင်္ဂလာဒေ့ရှ်နိုင်ငံကတော့ မထုတ်လုပ်ရဘဲနဲ့ မူးယစ်ဆေးဝါးအန္တရာယ်နဲ့ ရင်ဆိုင်နေရပါတယ်။"ဟု ခန်းက ပြောသည်။

နှစ်နိုင်ငံမှ နယ်စပ်လုံခြုံရေးအေဂျင်စီများနှင့် မူးယစ်ဆေးဝါးထိန်းချုပ်ရေးဌာနများကြား ဆွေးနွေးပြီးနောက် နယ်စပ်တစ်လျှောက်က မှောင်ခိုယာဘဆေးပြားထုတ်လုပ်ရာ စက်ရုံများကို မြန်မာနိုင်ငံ အနေနဖြင့်   မကြာမီ၌  ဖယ်ရှားပစ်လိမ့်မည်ဟု မျှော်လင့်ထားကြောင်း ၎င်းက ဆိုသည်။

အိန္ဒိယအစိုးရကလည်း ၎င်းနယ်စပ်ရှိ ဖင်ဆီဒိုင်းစက်ရုံများကို တဖြည်းဖြည်းချင်း ဖယ်ရှားလျက်ရှိနေကြောင်း ၎င်းက ဖြည့်စွက်ပြောကြားသည်။

လုံခြုံရေးများ ကြပ်မတ်လိုက်ခြင်းကြောင်း ယာဘမှောင်ခိုသမားက လမ်းကြောင်းပြောင်း မှောင်ခိုကူးသန်းလာကြောင်း အထူးအေဂျင်စီ ညွန်ကြားရေးမှူးချုပ်ဖြစ်သည်။ ဘန်နာဇားက ပြောသည်။

ကျောင်းစာသင်ရိုးညွန်းတမ်းများတွင်လည်း မူးယစ်ဆေးစွဲမှု ဘေးများကို ထည့်သွင်းပြဌာန်းသင့်ကြောင်း စစ်တကောင်းမြို့တော်ဝန် အူဒင်က တောင်းဆိုသည်။

နိုင်ငံရေးပါတီခေါင်းဆောင်များအနေဖြင့်လည်း မူးယစ်ဆေးသုံးတတ်သူများကို ပါတီအတွင်း ပါဝင်ခြင်းမရှိစေရန် ဆောင်ရွက်သင့်ကြောင်းလည်း ၎င်းက ဖြည့်စွက်ပြောသည်။

ယာဘထုတ်လုပ်မှုများ ထိန်းချုပ်ရေး ဆုံးဖြတ်ချက် ချပြီးနောက်ပိုင်း ယာဘဆေးပြား ၄ ဒသမ ၅၄ သန်း၊ ဆေးခြောက် ၁၅၃ ကီလိုဂရမ်၊ ဖင်ဆီဒိုင်း ၄၃၁၉ ပုလင်းနှင့် အခြားဆေးဝါးများစွာကို ဖျက်ဆီးပစ်ခဲ့သည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required