မန်ချက်စတာ၊ ဖေဖော်ဝါရီ ၁၄ ။ ။ မန်ယူအသင်းသည် လာမည့်နွေရာသီတွင် ဒေါ့တ်မွန်တိုက်စစ်မှူး အူဘာမီယန်းကို ပေါင် သန်း ၇၀ ဖြင့် ခေါ်ယူရန် နီးစပ်နေပြီဟု ဒေးလီးမေးလ်သတင်းစာက ဖော်ပြသွားခဲ့သည်။
မန်ယူအသင်း၏ ဒုတိယဥက္ကဋ္ဌ အက်ဝုဒ်ဝက်က လာမည့်ရာသီတွင် ထိပ်တန်းကစားသမားများကို ခေါ်ယူရန် ပေါင် ၁၂၁ ဒသမ ၆ သန်းအသုံးပြုမည်ဟု အသင်းရှယ်ယာရှင်များကို ပြောဆိုထားသည်။
အူဘာမီယန်းသည် ယခုနှစ်ရာသီတွင် ဒေါ့တ်မွန်အသင်းအတွက် ခြေစွမ်းပြကစားလျက်ရှိပြီး ၂၇ ဂိုးအထိ သွင်းယူထားသည်။ ဒေါ့တ်မွန်တွင် ခြေစွမ်းပြနိုင်မှုကြောင့် ၂၀၁၅ ခုနှစ်အတွက် အာဖရိကအကောင်းဆုံး ကစားသမားဆုကို ရရှိထားသူလည်း ဖြစ်သည်။
မန်ယူအသင်းသည် အူဘာမီယန်းအပြင် ဘိုင်ယန်တိုက်စစ်မှူး လီဝန်ဒေါစကီး၊ ရီးယဲလ်တောင်ပံကစားသမား ဂါရတ်ဘေးနှင့် ဘာစီလိုနာမှ နေမာတို့ကိုလည်း ခေါ်ယူလိုလျက်ရှိသည်။
ရည်ညွှန်း ဒေးလီးမေးလ်
