ရန်ကုန်၊ ဖေဖော်ဝါရီ ၅ ။ ။ ယမန်နေ့ညက မီးဘေးသင့်ခဲ့သော နမ့်ဆန်(ရှမ်းမြောက်)နှင့် လပွတ္တာမြို့နယ်များအတွက် အရေးပေါ်ကယ်ဆယ်ရေးနှင့် ပြန်လည်ထူထောင်ရေးဆိုင်ရာ အရေးပေါ် အစည်းအဝေးတစ်ရပ်ပြုလုပ်ပြီး သမ္မတဦးဆောင်သည့် အစိုးရအဖွဲ့သွားမည်ဖြစ်ကြောင်း သမ္မတရုံးမှ သတင်းထုတ်ပြန်သည်။
မီးဘေးသင့်ဒေသများ မီးဘေးသင့်ပြည်သူများ ယာယီအမိုးအကာအောက် ရောက်ရှိရေး၊ စားနပ်ရိက္ခာ ထောက်ပံ့ကူညီရေး၊ ကျန်းမာရေးနှင့် ပြန်လည်နေရာချထားရေး အစရှိသည့် လတ်တလောလိုအပ်ချက်များ၊ ကယ်ဆယ်ရေးနှင့် ပြန်လည်ထူထောင်ရေး လုပ်ငန်းများ အမြန်ဆုံး ဆောင်ရွက်နိုင်ရန်အတွက် သွားရောက်မည်ဟုရေးသားထားသည်။
နိုင်ငံတော်သမ္မတ ဦးဆောင်သော အဖွဲ့ (၁) မှာ နမ့်ဆန်မြို့သို့လည်းကောင်း၊ဒုတိယသမ္မတ ဦးဉာဏ်ထွန်း ဦးဆောင်သော အဖွဲ့(၂)မှာ လပွတ္တာမြို့သို့လည်းကောင်းယနေ့ နေ့လည်ပိုင်းတွင် ထွက်ခွာမည် ဖြစ်ပါသည်။
အစည်းအဝေးဆုံးဖြတ်ချက်အချို့
- မီးဘေးသင့်ပြည်သူများအတွက် စားနပ်ရိက္ခာများ ပံ့ပိုးရေး၊ ယာယီတဲများ၊ အဝတ်အထည်များ၊ Family Kit များ ဖြည့်ဆည်းပေးရေး၊
- ကျောင်းသား ကျောင်းသူများအတွက် လိုအပ်သော ကျောင်းသုံးစာအုပ်များ ပြန်လည်ဖြည့်ဆည်းပေးရေးနှင့် ကျောင်းများ ပြန်လည်ဖွင့်လှစ်နိုင်ရေး၊
- စာမေးပွဲဖြေဆိုမည့် ကျောင်းသားကျောင်းသူများ အခက်အခဲ မရှိအောင် ကူညီပံ့ပိုးပေးရေး၊
- ကျန်းမာရေးစောင့် ရှောက်မှု လုပ်ငန်းများ အမြန်ဆောင်ရွက်နိုင်ရေး၊
- ကယ်ဆယ်ရေးနှင့် ပြန်လည်နေရာ ချထား ရေးအတွက် လိုအပ်သောပစ္စည်းများကို တပ်မတော်နှင့် ပို့ဆောင်ရေး ဝန်ကြီးဌာနတို့မှ အရေးပေါ်စီစဉ်ပို့ဆောင်ရေး လုပ်ငန်းများနှင့် စပ်လျဉ်း၍ အသေးစိတ်ဆွေးနွေးမှာကြားသည်။
မီးဘေးသင့်ဒေသများ ကယ်ဆယ်ရေးနှင့်ပြန်လည်ထူးထောင်ရေးနှင့်ပတ်သက်ပြီး သမ္မတအိမ်တော်တွင် အရေးပေါ် အစည်းအဝေးကျင်းပလျက်ရှိ‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗‗(Unicode Version)မီးဘေးသငျ့ဒသေမြား ကယျဆယျရေးနှငျ့ပွနျလညျထူးထောငျရေးနှငျ့ပတျသကျပွီး သမ်မတအိမျတောျတှငျ အရေးပေါျ အစညျးအဝေးကငြျးပလကြျရှိ
Posted by MRTV on Thursday, February 4, 2016
